
	English Georgian

The Biographical Dictionary of Georgia covers biographies of people who belong to history of Georgia, who are linked with Georgia, lived in or beyond it.

The dictionary is supported by the National Library of Georgia.

The project aims at publishing the biographies of outstanding Georgians. We hope that whole Georgia will be involved in filling this unique dictionary.

Follow on Facebook

Suggest a Biography

Correction

ვახტანგ ნადირაძე

Date of birth:	12 March, 1906
Date of death:	9 November, 1981 (at 75 years)
Burial location:	თბილისი
Category:	Geologist, Scientist, Educator

Biography

დაბადების ადგილი: დაბა ბაკურიანი, ბორჯომის რაიონი.

დაამთავრა ამიერკავკასიის სამთო-მეტალურგიული ინსტიტუტი ინჟინერ-გეოლოგის სპეციალობით 1931 წელს.

მუშაობა დაიწყო საწარმოო დაწესებულებებში - ამიერკავკასიის გეოლოგიურ სამმართველოში, კავკასიის ფერად ლითონთა ძიების ტრესტში, ჯერ გეოლოგიური პარტიების უფროსად და ტექნიკურ ხელმძღვანელად, შემდეგ ტრესტის მთავარ გეოლოგად; 1926-1953წწ. მისი ხელმძღვანელობით და უშუალო მონაწილეობით შესწავლილ იქნა კავკასიის უმნიშვნელოვანესი ფერად და იშვიათ ლითონთა საბადოები ჩრდილო კავკასიაში (ურუპი, კტიტებერდა, სადონი და სხვ.), სომხეთში (კაჯარანი, აგარაკი, კაფანი, შამლუგი), აზერბაიჯანში (პარაგაჩაი, დაშკესანი). საქართველოში მის მიერ შესწავლილ დ დაძიებულ იქნა მერისის სპილენძპოლიმეტალური, კვაისის პოლიმეტალური და ზემო რაჭის იშვიათ ლითონთა საბადოები; მის მიერაა გამოვლენილი რიგი საბადოებისა მერისის, კვაისისა და კაჯარანის ფართობებზე, რის შედეგადაც მნიშვნელოვნად გაიზარდა მათი საწარმოო პოტენციალი. წარმოებაში მუშაობასთან ერთად, ეწეოდა სამეცნიერო და პედაგოგიურ მოღვაწეობას საქართველოს პოლიტექნიკურ ინსტიტუტში სასარგებლო წიაღისეულის ძებნა-ძიების კათედრაზე; 1933 წლიდან იყო კათედრის ასისტენტი; 1956 წლიდან მუშაობდა საქართველოს მეცნიერებათა აკადემიის გეოლოგიის ინსტიტუტში, სადაც ჩამოაყალიბა სასარგებლო წიაღისეულის განყოფილება და ამ განყოფილების გამგე გახდა; პარალელურად მუშაობდა პოლიტექნიკურ ინსტიტუტში კათედრის პროფესორად, კითხულობდა ლექციებს, ხელმძღვანელობდა ასპირანტებს. მისი სამეცნიერო შრომები შეეხება საქართველოს მადნეულ საბადოთა გეოლოგიის მაგმატიზმის და მეტალოგენის საკითხებს. ავტორია 85 სამეცნიერო ნაშრომისა, მათ შორის, ორი მონოგრაფიის; შედგენილი აქვს სახელმძღვანელოები სტუდენტებისთვის. შეიმუშავა ახალი, კოსმოგენური ჰიპოთეზა მანგანუმის გამადნების წარმოშობისა, რითაც მსოფლიოს გამოჩენილი მეცნიერების მხარდაჭერა მოიპოვა. მიღებული აქვს სახელმწიფო ჯილდოები. ტექნიკურ მეცნიერებათა დოქტორი (1955), პროფესორი.

საკანდიდატო დისერტაციის თემა - "აჭარა-იმერეთის ქედის ინტრუზიები და მადანგამოვლინებები", დაიცვა 1944 წელს; სადოქტორო დისერტაციის თემა - "აჭარა-თრიალეთის ნაოჭა სისტემის ინტრუზიები და მადანგამოვლინებები", დაიცვა 1955 წელს.

წაყარო: ქართული საბჭოთა ენციკლოპედია: ტ. 7-თბ., 1984.-გვ.286; გამოჩენილი ინჟინრები და მეცნიერები: კრებული/შემდგ.: მიტროპოლიტი ანანია ჯაფარიძე [და სხვ.]. -თბ., 2012. -გვ.113-114

Member of Organizations

აშშ-ის ოკეანოლოგიური საზოგადოება, საპატიო წევრი
სკკპ, წევრი (1947-)

Awards and Honors

1966 - საქართველოს მეცნიერებათა დამსახურებული მოღვაწე
საპატიო ნიშნის ორდენი