ვალენტინა ვაჩნაძე

დაბადების ადგილი: ქ. ბაქო.

დაამთავრა ლენინგრადის ფარმაკოქიმიის ინსტიტუტი 1955 წელს.

1956-1958 წლებში იყო თბილისის ფარმაკოქიმიის ქარხნის მთავარი ინჟინერი, 1958-1978 წლებში ფარმაკოქიმიის ინსტიტუტის უმცროსი მეცნიერ, ხოლო შემდეგ უფროსი მეცნიერ-თანამშრომელი, 1972-1980 წლებში სწავლული მდივანი, 1980 წლიდან ალკალოიდების განყოფილების გამგე. მისი კვლევის ძირითადი მიმართულებაა საქართველოს მოზარდი და ინტროდუცირებული მცენარეების ქიმიური შესწავლა ფიზიოლოგიურად აქტიური ალკალოიდების შემცველობაზე და მათ საფუძველზე სამკურნალო პრეპერატების შემუშავება თანამედროვე ფოტოტექნოლოგიების გამოყენებით. ვალენტინა ვაჩნაძე არის მრავალი სამეცნიერო ნაშრომის ავტორი, მათ შორის ერთი მონოგრაფიისა ("Vinka"-ს ალკალოიდების ბიოგენეზის და მცენარეში მათი წარმოქმნის ზოგიერთი საკითხები. თბ., 1977). მიღებული აქვს 8 საავტორო მოწმობა და 2 პატენტი. ფარმაციის მეცნიერებათა დოქტორი (1977), პროფესორი (1992), ფარმაკოქიმიკოსი. 

წყარო: საქართველო: ენციკლოპედია: ტ.III.–თბ., 2014.-გვ.208

• საქართველოს ბენტონიტური თიხის პრეპარატის-Thicha-ascanae-ს შემცველი გასტროენტეროლოგიური და დერმატოლოგიური რბილი სამკურნალწამლო ფორმები (რედაქტორი). - თბილისი, უნივერსალი, 2011. - 90გვ.
• რბილი სამკურნალწამლო ფორმები-რექტალური პრეპარატები, მალამოები (რედაქტორი). - თბილისი, უნივერსალი, 2010. - 239გვ.