იური ვაჩნაძე

დაბადების ადგილი: ქ. თბილისი.

დაამთავრა თბილისის ცენტრალური სამუსიკო სკოლა ვიოლინოს განხრით და თბილისის სახელმწიფო უნივერსიტეტის ფიზიკის ფაკულტეტი 1956 წელს.

1960-1990 წლებში ეწეოდა პედაგოგიურ მოღვაწეობას საქართველოს პოლიტექნიკურ ინსტიტუტში. 1994 წლიდან იყო ამერიკული რადიოსადგურის "სვობოდას" კოლუმნისტი და კორესპონდენტი თბილისში. ეთერში გავიდა მისი 200-ზე მეტი მხატვრული გადაცემა. 2004-2008 წლებში რადიო "თავისუფლების" ეთერში მიჰყავდა ყოველკვირეული საავტორო გადაცემა "მუსიკა, მუსიკა", რომელმაც ავტორის პროფესიონალიზმისა და დახვეწილი გემოვნების, აგრეთვე გადმოცემის მაღალი კულტურის გამო დიდი პოპულარობა მოიპოვა. გამოცემულია იური ვაჩნაძის მხატვრული რადიო-გადაცემების კომპაქტ-დისკების ალბომი (2010), ორენოვანი წიგნი "ქართულ-რუსული კონტრაპუნქტი"(2011), აგრეთვე პოეტური კრებულები "ბედ-იღბლის საზომით" (2012), "ჩემი ფაეტონი" (2013), "საუბრები მუსიკაზე" (2013).

წყარო: საქართველო: ენციკლოპედია: ტ.III.–თბ., 2014.-გვ.209

• საუბრები მუსიკაზე (ავტორი). - თბილისი, სეზანი, 2013. - 120გვ.. - ISBN: 978-9941-0-6244-5