ნინო მამისაშვილი

დაბადების ადგილი: ქ. თბილისი.

დაამთავრა თბილისის ილია ჭავჭავაძის სახელობის 23-ე საშუალო სკოლა 1951 წელს; თბილისის სახელმწიფო უნივერსიტეტის ფილოლოგიის ფაკულტეტი 1956 წელს.

1957-1993 წლებში მუშაობდა გამომცემლობა "საბჭოთა საქართველოში" ჯერ რედაქტორად, შემდეგ უფროს რედაქტორად, ხოლო 1979 წლიდან - რედაქციის გამგედ.

არის ალექსანდრე ტოროტაძის მიერ შედგენილი მოკლე რუსულ-ქართული ლექსიკონის (რედაქტორი პროფ. სიმონ ყაუხჩიშვილი) პირველი გამოცემის გამომცემლობის რედაქტორი. მანვე შეასწორა და შეავსო ამ ლექსიკონის მეორე გამოცემა. ალექსანდრე ტოროტაძესთან ერთად არის აგრეთვე რუსულ-ქართული პოლიგრაფიული ლექსიკონის თანაშემდგენელი. 

მუშაობდა თარგმანის სფეროში - როგორც მხატვრული თარგმანის, ასევე სამეცნიერო-პოპულარული თარგმანის ჟანრში. მის თარგმანებს შორისაა ჯერალდ დარელის "მთვრალ ტყეში", ჯეი დაისის "ვაშინგტონის ისტორია", კორა სანდელის "მტვრიანი შარაგზის პირას", ან და სერჟ გოლონების "ანჟელიკა" და "ანჟელიკა ახალ სამყაროში", ი. კრიველევის "წიგნი ბიბლიაზე", ა. ვარშავსკის "ქალაქები საიდუმლოს გვიმხელენ", მ. არლაზაროვის "თქვენს სახელზე წერილია", ე. ველტისტოვის "ელექტრონა ბიჭი". მის მიერ თარგმნილი კორა სანდელის მოთხრობების კრებული "მტვრიანი შარაგზის პირას" ელექტრონული ფორმით არის გამოქვეყნებული ელექტრონული წიგნების სახლში "საბა" (2017). ნინო მამისაშვილს ეძღვნება და მის შესახებ მოგვითხრობს ქეთი ტოროტაძის წიგნები "ნინოს ცხოვრება" (2021) და "როცა მზე ჩადის" (2023).

• სსრკ ჟურნალისტთა კავშირი, წევრი (1970-1990)

• 1982 - საქართველოს კულტურის დამსახურებული მუშაკი

• ანჟელიკა ახალ სამყაროში : რომანი (მთარგმნელი) // გვ.5-321 . - თბილისი, საქართველო, 1991. - 654გვ.
• ხმელეთსა და ზღვაზე (მთარგმნელი). - თბილისი, საბჭ. საქართველო, 1984. - 242გვ.
• ანჟელიკა : რომანი (მთარგმნელი) // გვ.3-316 . - თბილისი, საქართველო, 1981. - 634გვ.
• მუზები ვარსკვლავთმფრენების საუკუნეში : მეცნიერულ-ფანტასტიკური მოთხრობების კრებული ხელოვნებაზე (მთარგმნელი). - თბილისი, საბჭ. საქართველო, 1979. - 326გვ.
• ქალაქები საიდუმლოს გვიმხელენ : არქეოლოგიური ძიებანი (მთარგმნელი). - თბილისი, საბჭ. საქართველო, 1976. - 223გვ.
• ნონა გაფრინდაშვილი - არსი ჩემი ცხოვრებისა : ვიქტორ ვასილიევის ლიტერატურული ჩანაწერი (მთარგმნელი). - თბილისი, საბჭ. საქართველო, 1976. - 270გვ.
• თქვენს სახელზე წერილია : ფოსტის ისტორია (მთარგმნელი). - თბილისი, საბჭ. საქართველო, 1975. - 231გვ.
• მტვრიანი შარაგზის პირას : მოთხრობები (მთარგმნელი). - თბილისი, საბჭ. საქართველო, 1974. - 266გვ.
• ელექტრონა ბიჭი : ფანტასტიკური მოთხრობა (მთარგმნელი). - თბილისი, ნაკადული, 1972. - 188გვ.
• ნადირობა. მოგზაურობა. თავგადასავალი (მთარგმნელი) // ტ. VII : მთვრალ ტყეში : მოგზაურობა სამხრეთ ამერიკაში.- გვ.7-205 . - თბილისი, საბჭ. საქართველო, 1967. - 359გვ.
• წიგნი ბიბლიაზე : მეცნიერულ-პოპულარული ნარკვევი (მთარგმნელი). - თბილისი, საბჭ. საქართველო, 1966. - 458გვ.
• ოქროს შაიბა : სხვადასხვა ხალხთა ლიტერატურა (მთარგმნელი). - თბილისი, საბჭ. საქართველო, 1965. - 76გვ.
• ვაშინგტონის ისტორია : რომანი (მთარგმნელი). - თბილისი, საბჭ. საქართველო, 1964. - 330გვ.