სიკო ვაჩნაძე

დაბადების ადგილი: ქ. თბილისი.

დაამთავრა ლენინგრადის მასობრივ სანახაობათა და ზეიმთა სტუდია 1928 წელს

სასცენო მოღვაწეობა დაიწყო 1923 წლიდან. 1928 წლიდან მსახიობად მუშაობდა თბილისის კინოსტუდიასა (1928-1929) და სატირის თეატრში (1929-1930). რეჟისორულ მოღვაწეობას ეწეოდა 1930 წლიდან. სხვადასხვა დროს დამდგმელ რეჟისორად მუშაობდა ბათუმის, ფოთის, თბილისის (კოტე მარჯანიშვილის სახელობის სახელმწიფო აკადემიური თეატრი) თეატრებში. სამხატვრო ხელმძღვანელად, მთავარ რეჟისორად და დირექტორად - ბაქოს ქართულ, გორის გიორგი ერისთავის სახელობის, ხაშურისა და ცხინვალის თეატრებში. 1967 წლიდან იყო  ქუთაისის თოჯინების სახელმწიფო თეატრის დამდგმელი რეჟისორი, 1969 წლიდან - მთავარი რეჟისორი. მნიშვნელოვანი დადგმები: დარამატულ თეატრებში - კ. კალაძის "ხატიჯე", პ. კაკაბაძის "ყვარყვარე თუთაბერი", შ. დადიანის "გუშინდელნი", ა. ცაგარელის "ხანუმა", ა. ყაზბეგის "არსენა", გ. ნახუცრიშვილის "შაითან ხიხო", მ. გორკის "ვასა ჟელეზნოვა" და სხვ. ქუთაისის თოჯინების თეატრში - ჯ. ნიქაბაძის "ცანგალა", ქ. ხაფავას "ვაჟიკა", კ. გოგიაშვილის "ბაქია", რ. ბეროძის "ღიმილა და ფინფინა" და სხვ. 

წყარო: საქართველო: ენციკლოპედია: ტ.III.–თბ., 2014.-გვ.211; საზოგადოებრივი არქივი:  archive.ge

• 1966 - საქართველოს ხელოვნების დამსახურებული მოღვაწე