სიმონ ვაჩნაძე

დაბადების ადგილი: ქ. თბილისი.

დაამთავრა მოსკოვის უნივერსიტეტის ფილოლოგიური ფაკულტეტის სალვურ-რუსული განყოფილება 1918 წელს.

1930 წლამდე ასწავლიდა ქართულ და რუსულ ენებს თბილისის I კლასიკურ გიმნაზიასა და საშუალო სკოლებში. 1930 წლიდან სამეცნიერო-პედაგოგიურ მოღვაწეობას ეწეოდა თბილისის სახელმწიფო უნივერსიტეტის ფილოლოგიური ფაკულტეტის რუსული ენისა და ლიტერატურის (შემდეგ რუსული ენის) კათედრაზე. 1938 წლიდან გარდაცვალებამდე ხელმძღვანელობდა რუსული ენის კათედრას თბილისის ა. პუშკინის სახელობის პედაგოგიურ ინსტიტუტში. იმავე წლებში იყო ინსტიტუტის პრორექტორი სასწავლო-სამეცნიერო დარგში და ფილოლოგიის ფაკულტეტის დეკანი. იკვლევდა რუსული ენის ისტორიასა და თანამედროვე რუსული ენის, რუსული და ქართული ენების შეპირისპირებითი შესწავლის საკითხებს. განსაკუთრებით აღსანიშნავია მისი მონოგრაფია "რუსულ-ქართული შეპირისპირებითი გრამატიკის სინტაქსის საკითხები" (რუსულ ენაზე, 1970). გამოქვეყნებული აქვს აგრეთვე შრომები რუსული ენის წსავლების მეთოდიკის საკითხებზე. სიმონ ვაჩნაძე იყო "ქართული ენის განმარტებითი ლექსიკონის" მთავარი რედაქციის წევრი და V ტომის ერთ-ერთი რედაქტორი, რისთვისაც სხვა რედაქტორებთან ერთად მიენიჭა საქართველოს სახელმწიფო პრემია მეცნიერებისა და ტექნიკის დარგში (1971). მონაწილეობდა თბილისის სახელმწიფო უნივერსიტეტის მიერ 1937 წელს გამოცემული "რუსულ-ქართული ლექსიკონის" შედგენაში. იყო ენათმეცნიერების ინსტიტუტის მიერ შედგენილი"რუსულ-ქართული ლექსიკონის" (ტ. 1-3, 1956-1959) სარედაქციო კოლეგიის წევრი (ლექსიკონის მე-3 ტომს ერთვის მისი "რუსული ენის მოკლე გრამატიკული მიმოხილვა"). ფილოლოგიის მეცნიერებათა კანდიდატი (1950), რუსისტი, ლექსიკოგრაფი.

წყარო: საქართველო: ენციკლოპედია: ტ.III.–თბ., 2014.-გვ.211

• 1971 - საქართველოს სახელმწიფო პრემია, მეცნიერებისა და ტექნიკის დარგში (ერთობლივი გამარჯვება)
  ქართული ენის განმარტებითი ლექსიკონის რედაქტორობისათვის

• გერმანულ-ქართული ფრაზეოლოგიური ლექსიკონი : გერმანული ფრაზეოლოგიზმების ქართული განმარტებანი : გერმანულ გამოთქმათა სპეციალური (იდიომატური) ლექსიკონი (რედაქტორი). - თბილისი, 2006. - 483გვ.
• ქართული ენის განმარტებითი ლექსიკონი (რედაქტორი) // ტ. 8 : ჩ, ც, ძ, წ, ჭ, ხ, ჯ, ჰ. - თბილისი, საქ. სსრ მეცნ. აკად. გამ-ბა, 1964
• ქართული ენის განმარტებითი ლექსიკონი (რედაქტორი) // ტ. 5 : მ - ნ . - თბილისი, საქ. სსრ მეცნ. აკად. გამ-ბა, 1958
• ქართული ენის განმარტებითი ლექსიკონი (რედაქტორი) // ტ. 4 : ვ, ზ, თ, ი, კ, ლ. - თბილისი, საქ. სსრ მეცნ. აკად. გამ-ბა, 1955
• ქართული ენის განმარტებითი ლექსიკონი (რედაქტორი) // ტ. 3 : დ - ე. - თბილისი, საქ. სსრ მეცნ. აკად. გამ-ბა, 1953