იოანე ანჩელი (მთავარეპისკოპოსი)

ანჩის  მთავარეპისკოპოსი, თამარ მეფის თანამედროვე. მის შესახებ ჩვენამდე მოღწეული ცნობები ერთობ მწირია. ტბეთის სახარების (XII საუკუნე) ანდერძში იგი არსენ ბერის (XI-XII სს.) ძმად იხსენიება. XII საუკუნის ანჩისხატის ხატის წარწერიდან ირკვევა, რომ ის იოანე ანჩელს მოუჭედინებია თამარ მეფის ბრძანებით. იოანე ანჩელს ეკუთვნის აკროსტიქული საგალობელი "გალობანი ანჩისხატისანი" (კიდურწერილობა - "საშინელსა ანჩისა ხატსა უგალობ უნდოი იოვანე ანჩელი"), რომელიც მოსე ჯანაშვილმა გამოსცა 1903 წელს. ჰიმნოგრაფი.

წყარო: ქართული საბჭოთა ენციკლოპედია: ტ. 5.- თბ., 1980.- გვ. 188;წყარო: საქართველო: ენციკლოპედია: ტ. IV. -თბ., 2018. -გვ.309-310