ვახტანგ (მიტროპოლიტი)

დაბადების ადგილი: სოფელი ლასურა, ახლანდელი ცაგერის მუნიციპალიტეტი.

 სწავლობდა და მსახურობდა კიევის უმაღლეს სამხედრო-საინჟინრო საავიაციო სასწავლებლის სამხედრო ძალებში; 1975–1978წწ. სწავლობდა მცხეთის სასულიერო სემინარიაში.

1977 წელს ეკურთხა დიაკვნად და დადგინდა თბილისის სიონის ტაძრის ღვთისმსახურად; 1978 წელს კათოლიკოს-პატრიარქ ილია II-ის მიერ ეკურთხა მღვდლად და დაინიშნა თბილისის ყოვლადწმიდა სამების ტაძრის წინამძღვრად, მოგვიანებით მთაწმინდის მამა დავითის ტაძრის მღვდელმსახური იყო; 1980 წლის 15 ოქტომბერს დეკანოზის ხარისხი მიენიჭა; 1982 წლის 1 აგვისტოს აღიკვეცა ბერად და აყვანილ იქნა არქიმანდრიტის ხარისხში; 1982 წლის 2 აგვისტოს სრულიად საქართველოს კათოლიკოს-პატრიარქმა ილია II-მ აკურთხა ეპისკოპოსად და დაადგინა აგარაკ-წალკის ეპარქიაში; 1984 წლიდან განაგებდა ჭყონ-დიდის, ხოლო 1988 წლიდან – ურბნისის ეპარქიებს; 1992 წელს აყვანილ იქნა მთავარეპისკოპოსის ხარისხში; 1995 წლიდან იყო სამთავისისა და გორის ეპარქიის, 2001 წლიდან – საგარეჯოსა და გურჯაანის ეპარქიის მმართველი, ხოლო 2002 წლის 17 აგვისტოდან განაგებს მარგვეთისა და უბისის ეპარქიას. 2009 ებოძა მიტროპოლიტის ხარისხი. სასულიერო მოღვაწე.

წყარო: საქართველო: ენციკლოპედია: ტ.III.–თბ., 2014.-გვ.230; საქართველოს საპატრიარქო: patriarchate.ge

• 2007 - წმინდა გიორგის ორდენი