გიორგი ნანეიშვილი

დაბადების ადგილი: ქ. ქუთაისი.

დაამთავრა პეტროგრადის უნივერსიტეტი 1917 წელს.

1919 წელს თბილისის უნივერსიტეტმა მიავლინა უცხოეთში. ისმენდა ლექციებს ფრაიბურგის, ბერლინის, პარიზის უნივერსიტეტებში. 1926 დასასრულს დაბრუნდა საქართველოში და დაიწყო მუშაობა თბილისის სახელმწიფო უნივერსიტეტში. 1930 წელს დაიცვა სადოქტორო დისერტაცია. 1931 წლიდან სამოქალაქო სამართლის კათედრის გამგე იყო. მისი მთავარი ნაშრომი "სამართლის ნამდვილობა და ცდა ნორმატიული ფაქტების დასაბუთებისა"(1929) სამართლის ფილოსოფიის დარგს განეკუთვნება. მისი ნაშრომებიდან აღსანიშნავია აგრეთვე "სამართლის სუბიექტის შესახებ"(1928) და სამართლის ფსიქოლოგიური თეორიის "აპრიორულ-ემოციონალური საფუძვლები"(1979).

წყარო: ქართული საბჭოთა ენციკლოპედია: ტ.7-თბ., 1984.-გვ.311