სერაფიმა ვეკუა

დაბადების ადგილი: ქ. ურმია, ირანი.

დაამთავრა თბილისის მ. პერინის საბალეტო სკოლა-სტუდია 1930 წელს.

1931–1935წწ. ცეკვავდა თბილისის ზ. ფალიაშვილის სახელობის ოპერისა და ბალეტის თეატრის დასში; 1936–1939წწ. სწავლა გააგრძელა ლენინგრადის ქორეოგრაფიულ ტექნიკუმში (პედაგოგები – ა. ვაგანოვა და მ. რომანოვა); 1939–1943წწ. ლენინგრადის ოპერისა და ბალეტის თეატრის, ხოლო 1943–1959წწ. კვლავ თბილისის ზ. ფალიაშვილის სახელობის ოპერისა და ბალეტის თეატრის სოლისტი იყო, პარალელურად – საბალეტო დასის პედაგოგ-რეპეტიტორიც. თავისი საბალეტო მოღვაწეობისას შეასრულა არაერთი მნიშვნელოვანი სოლო პარტია როგორც საბალეტო, ისე საოპერო სპექტაკლებში. მისი შესრულება გამოირჩეოდა აქტიორული ოსტატობით, გამომსახველობით. 1943 წლიდან მუშაობდა თბილისის ვ. ჭაბუკიანის სახელობის ქორეოგრაფიულ სასწავლებელში წამყვან პედაგოგად. 1964–1972წწ. იყო ამ სასწავლებლის სამხატვრო ხელმძღვანელი. ბალეტის მსახიობი, კლასიკური ცეკვის პედაგოგი.  

წყარო: საქართველო: ენციკლოპედია: ტ.III.–თბ., 2014.-გვ.238

• 1958 - საქართველოს დამსახურებული არტისტი