ვლადიმერ ნანეიშვილი

დაბადების ადგილი: სადგურ რიონის დასახლება, ქუთაისის გუბერნია.

დაამთავრა ლენინგრადის სამხედრო საავიაციო სასწავლებელი 1926 წელს.

1926-1939წწ. მეთაურობდა საავიაციო რგოლს, ესკადრილიას, პოლკს. 1939 დაინიშნა მე-18 ავიაბომბდამშენი ბრიგადის მეთაურად. 1939-1940წწ. ომის დროს ბრიგადის მფრინავებმა განახორციელეს 1247 საბრძოლო გაფრენა. მონაწილეობდა მანერჰაიმის ხაზის დაბომბვაში(1940, ამ ბრძოლებში გამოჩენილი გმირობისათვის მიენიჭა საბჭ. კავშირის გმირის წოდება). 1941-1945წწ. იყო მე-2 საჰაერო არმიის სარდლის მოადგილე. ვისლა-ოდერის ოპერაციის დროს ევალებოდა მე-2 და მე-8 საჰაერო არმიების მოქმედების კოორდინირება. 1947-1948წწ. სწავლობდა გენერალური შტაბის აკადემიაში. 1948-1963წწ. იმყოფებოდა სხვადასხვა თანამდებობაზე სსრკ შეიარაღებულ ძალებში. 1958-1963წწ. იყო დოსააფის რესპუბლიკური საბჭოს თავმჯდომარე. 1963-1970წწ. სსრკ სამოქალაქო ავიაციის საქართველოს ტერიტორიული სამმართველოს უფროსი. მიღებული აქვს სსრკ 10 ორდენი, საზღვარგარეთის ქვეყნების 4 ორდენი 12 მედალი. ავიაციის გენერალ-ლეიტენანტი (1944); ავიაციის გენერალ-მაიორის, გაიოზ ნანეიშვილის მამა. 

წყარო: ქართული საბჭოთა ენციკლოპედია: ტ.7-თბ., 1984.-გვ.312

• საქართველოს სსრ II მოწვევის უმაღლესი საბჭო, დეპუტატი
• საქართველოს სსრ III მოწვევის უმაღლესი საბჭო, დეპუტატი
• საქართველოს სსრ V მოწვევის უმაღლესი საბჭო , დეპუტატი
• საქართველოს სსრ VI მოწვევის უმაღლესი საბჭო , დეპუტატი
• საქართველოს სსრ VII მოწვევის უმაღლესი საბჭო , დეპუტატი
• სკკპ, წევრი (1928-)

• 1940 - საბჭოთა კავშირის გმირი
• სამამულო ომის I ხარისხის ორდენი
• წითელი დროშის ორდენი
• კუტუზოვის II ხარისხის ორდენი (2 ორდენი)
• ბოგდან ხმელნიცკის I ხარისხის ორდენი
• წითელი დროშის ორდენი (3 ორდენი)
• ლენინის ორდენი (2 ორდენი)
• სუვოროვის II ხარისხის ორდენი