ედუარდ სეფაშვილი

დაბადების ადგილი: ქ. თბილისი.

დაამთავრა თბილისის ა. პუშკინის სახელობის პედაგოგიური ინსტიტუტი 1955 წელს.

1953 წლიდან იყო საქართველოს რადიომაუწყებლობის კომიტეტის სოლისტი; მღეროდა ვოკალურ ტრიოში (მარეხ გოძიაშვილი, ედუარდ სეფაშვილი, კონსტანტინე მაკარიძე); 1955 წელს მიავლინეს ქ. მოსკოვში, სადაც ხელმძღვანელობდა ვოკალურ-ინსტრუმენტულ ტრიოს (ე. სეფაშვილი, გ. ჩოხელი, ი. ებრალიძე); 1958 წელს ჩამოაყალიბა ახალი ტრიო (ვენერა მაისურაძე, ვახტანგ ნორაკიძე, ედუარდ სეფაშვილი); 1960-1970წწ. ჩამოაყალიბა და ხელმძღვანელობდა ვოკალურ-ინსტრუმენტულ ანსამბლს "ლალე"; 1981 წელს აღადგინა მივიწყებული სიმღერები და ჩამოაყალიბა ვოკალური ტრიო(გ. ბალარჯიშვილი, კ. მაკარიძე, ე. სეფაშვილი); ამ ტრიოს შესრულებით გამოიცა ფირფიტა "შაშვები", რომელშიც შევიდა ცნობილი სიმღერები: "ყაყაჩო", "მტრედი", "ოჰ, ტურფავ", "ვარდების კოშკი აგიგე", "მიყვარხარ", "წაღვერი და თბილისი"; წლების მანძილზე იყო საქართველოს ფილარმონიის სოლისტი, მღეროდა კვარტეტში (ე. სეფაშვილი, მ. იმნაძე, გ. ბალარჯიშვილი, მ. ჩიხლაძე); გასტროლები: ბულგარეთი (1972), უნგრეთი (1983, 1985); 1998 წელს ჩამოაყალიბა ტრიო "სეფას ბიჭები" და სიცოცხლის ბოლომდე ხელმძღვანელობდა. საესტრადო მომღერალი.

წყარო: ქართული მუსიკის ენციკლოპედიური ლექსიკონი. – თბ., 2015. – გვ. 427; წიგნი ღირსებისა: ტ. 3/ შემდგ.: თამაზ ყიფიანი (რედ.), თენგიზ გაჩეჩილაძე, გურამ სიმონიშვილი.- თბ., 2001. - გვ.283

• 1998 - ღირსების ორდენი
  თანამედროვე ქართული საესტრადო ხელოვნების განვითარებასა და პოპულარიზაციაში შეტანილი პირადი დიდი წვლილისა და ნაყოფიერი შემოქმედებითი მოღვაწეობისათვის
• 1979 - საქართველოს დამსახურებული არტისტი