ბესიკ სვანიძე

დაბადების ადგილი: ქ. ბათუმი.

1945 წლიდან იყო ქ. ბათუმის პიონერთა პარკთან არსებული ანსამბლის მოცეკვავე (ქორეოგრაფი ალ. ჯიჯეიშვილი); 1946 წლიდან ბათუმის N2 საშუალო სკოლასთან არსებული ანსამბლის მოცეკვავე და ქორეოგრაფი, ე. ხაბაძის ასისტენტი, პარალელურად (1949-1950) აჭარის სიმღერისა და ცეკვის სახელმწიფო ანსამბლის წევრი (ქორეოგრაფი ე. ხაბაძე); 1952 წლიდან საქართველოს აგრარული უნივერსიტეტის ანსამბლ "გორდა"-ს სამხატვრო ხელმძღვანელი და ცეკვების დამდგმელი, ანსამბლს სამუდამო მფლობელობაში გადაეცა დ. ჯავრიშვილის სახელობის გარდამავალი პრიზი; 1960-1962წწ. საქართველოს რკინიგზელთა სახლის თვითმოქმედ ქორეოგრაფიული წრის პედაგოგი; 1978 წელს სახალხო ანსაბლი "გორდა" ჰავანის სტუდენტ-ახალგაზრდობის XI მსოფლიო ფესტივალის ლაურეატი გახდა, ხოლო 1986 წელს დაარსების 40 წლისთავთან დაკავშირებით ანსამბლ "გორდას" საქართველოს ცეკვის დამსახურებული ანსამბლის წოდება მიენიჭა; საკავშირო ფესტივალების ექვსგზის, საერთაშორისო ფესტივალების ორგზის ლაურეატი.

წყარო: ქართული მუსიკის ენციკლოპედიური ლექსიკონი. – თბ., 2015. – გვ. 428; წიგნი ღირსებისა: ტ. 3/ შემდგ.: თამაზ ყიფიანი (რედ.), თენგიზ გაჩეჩილაძე, გურამ სიმონიშვილი.- თბ., 2001. - გვ.139

• 1998 - ღირსების ორდენი
  ქართული ქორეოგრაფიის განვითარებისა და პოპულარიზაციის საქმეში შეტანილი პირადი დიდი წვლილისა და ნაყოფიერი მოღვაწეობისათვის
• 1990 - საქართველოს სახალხო არტისტი
• 1979 - საკავშირო ლენინური კომკავშირის პრემია (სახალხო ანსამბლი "გორდა")
• 1974 - საქართველოს კომკავშირის პრემია (სახალხო ანსამბლი "გორდა")