ავთანდილ ვერულეიშვილი

დაბადების ადგილი: ქ. ხაშური.

სწავლობდა თბილისის კ. მარჯანიშვილის სახელობის თეატრთან არსებულ დრამატულ სტუდიაში; დაამთავრა თბილისის სახელმწიფო თეატრალური ინსტიტუტი 1941 წელს.

მსახიობად მუშაობდა კ. მარჯანიშვილის სახელობის თეატრში. მის მიერ შესრულებული როლებიდან აღსანიშნავია: კინტო (ზ. ანტონოვის "მზის დაბნელება საქართველოში"), მეღორე (პ. კაკაბაძის "კოლმეურნის ქორწინება"), მოლა მუსა (ვაჟა-ფშაველას "მოკვეთილი"), ტიბალტი (უ. შექსპირის "რომეო და ჯულიეტა"), აიტუზა (მ. მრევლიშვილის "ხარატაანთ კერა"), რაბინი (კ. გუცკოვის "ურიელ აკოსტა"), დერვიში (ნ. ჰიქმეთის "ლეგენდა სიყვარულზე"), სერგო, დარჩო (ა. გეწაძის "წმინდანები ჯოჯოხეთში", "ყარამან ყანთელაძე"), ფიჩხულა (ა. ცაგარლის "რაც გინახავს, ვეღარ ნახავ"), ჩინჩახელი (კ. ბუაჩიძის "ეზოში ავი ძაღლია"), ამილახვარი (ვ. კანდელაკის "მაია წყნეთელი") და სხვ.; გადაღებულია ფილმებში: "თხუნელა" (1962), "არდადეგებზე" (1962), "რაც გინახავს, ვეღარ ნახავ" (1965), "გელა" (1971), "როცა დედები შინ არ არიან" (1977), "დათა თუთაშხია" (I-ქურდი, 1978); მოღვაწეობდა ქართულ ესტრადაზე; მონაწილეობდა ტელე - და რადიოდადგმებში.

წყარო: საქართველო: ენციკლოპედია: ტ.III.–თბ., 2014.-გვ.253

• 1961 - საქართველოს დამსახურებული არტისტი