ევგრაფ ვახანია

დაბადების ადგილი: სოფელი ხაბუმე, ახლანდელი ჩხოროწყუს მუნიციპალიტეტი.

დაამთავრა ამიერკავკასიის სამთო-მეტალურგიული ინსტიტუტი 1932 წელს.

მუშაობდა გეოლოგიურ სამმართველოში (გეოლოგიური პარტიის უფროსი), 1933-1940 და 1945-1979 წლებში "საქნავთობში" (გეოლოგიური პარტიის უფროსი, გეოლოგიური საძიებო კანტორის მთავარი გეოლოგი, 1959-1979 წლებში-ტრესტის მთავარი გეოლოგი). 1955 წლიდან საქართველოს პოლიტექნიკური ინსტიტუტუის ნავთობისა და გაზის ძებნა-ძიების კათედრის პროფესორი; 1979-1981 წლებში იყო ნავთობის მრეწველობის ჩრდილოეთ კავკასიის სახელმწიფო სამეცნიერო-კვლევითი და საპროექტო ინსტიტუტის საქართველოს ფილიალის დირექტორის მოადგილე; 1981 წლიდან-ტრესტ "საქნავთობგეოფიზიკის" თემატიკური პარტიის უფროსი; 1978-2003წწ. "ნავთობგეოფიზიკის" მთავარი კონსულტანტი. ევგრაფ ვახანია იყო საქართველოს ნავთობიანი რეგიონების ცნობილი მკვლევარი. დიდი დამსახურება მიუძღვის საქართველოს მეზო-კაინოზოური ნალექების ნავთობ-აირიანობის შესწავლის მეცნიერული საფუძვლების დადგენაში. განსაკუთრებით აღსანიშნავია მისი ღვაწლი ამ თვალსაზრისით საინტერესო ნალექების სტრატიგრაფიის, ტექტონიკის, პერსპექტიულობის, ძიების მეთოდური და სხვა საკითხების კვლევაში. არის 100-დე სამეცნიერო პუბლიკაციის აავტორი. მიღებული აქვს სახელმწიფო ჯილდოები. გეოლოგიურ-მინერალოგიურ მეცნიერებათა დოქტორი (1969), პროფესორი (1993). 

წყარო: საქართველო: ენციკლოპედია: ტ.III.–თბ., 2014.-გვ.220; საქართველოს ენერგეტიკოსები=Georgian Power Engineers: ენციკლოპედია.- თბილისი,. 2016.- გვ. 127

• ეკოლოგიურ მეცნიერებათა აკადემია, აკადემიკოსი (1998-)
• საქართველოს გეოლოგიური საზოგადოება, საპატიო წევრი (1991-)

• 2001 - საქართველოს ნავთობისა და გაზის მრეწველობის საპატიო მუშაკი
• 1961 - საქართველოს დამსახურებული ინჟინერი

• მაცოცხლებელი შადრევანი : საქ. ნავთობისა და გაზის მრეწველობის განვითარების მოკლე ისტორია (ავტორი). - თბილისი, "სამშობლოს" გამ-ბა და სტ., 1996. - 151გვ.