გიორგი სვანიძე

დაამთავრა თბილისის მუსიკალური სასწავლებელი(ჰარმონია, ფორტეპიანო, კომპოზიცია), თბილისის სამედიცინო ინსტიტუტი(სამკურნალო).

1908 წელს საშუალო სასწავლებლის დამთავრების შემდეგ, ვ. გუნიას მიწვევით მუშაობდა თეატრში - ასწავლიდა სიმღერებს, სპექტაკლებისთვის არჩევდა სიმღერებს; 1941-1945წწ.(ომის პერიოდი) მუშაობდა ექიმად გორში, სადაც პარალელურად სათავეში ჩაუდგა საგუნდო საქმეს, მივლინებული იყო მახაჩკალას, ბუინაკსკსა და ლენინაკანში წითელი არმიის მომღერალთა გუნდების ჩამოსაყალიბებლად; ოთხი ათეული წელი მოგზაურობდა და კრებდა ხალხურ სიმღერებს, მათთან დაკავშირებულ თქმულებებს; მის მიერ შეკრებილი ხალხური სიმღერების ტექსტები ვარიანტებითურთ 5 ტომისგან შედგება, 1957 წელს გამოქვეყნდა ერთი ტომი; მისი ნაწარმოებები და სანოტო ჩანაწერები ინახება ხალხური შემოქმედების რესპუბლიკური სახლის ფონდში; 1932 წელს ერთ-ერთმა პირველმა შეადგინა და გამოსცა ნოტების "ანბანი"; აღზარდა მრავალი მოწაფე; თხზულებები: 100-მდე საგუნდო სიმღერა; საბავშვო ოპერები: "გუგული და მამალი"(1920), "ოქროს თავთავი"(1921, 3 მოქმედებად, ლიბრეტო დ. კასრაძე, დირიჟორი გ. სვანიძე, რეჟისოტი მ. ჭიაურელი, შემსრულებელი - ქალთა სამასწავლებლო სემინარიის მოწაფეები, პრემიერა თბილისის სახაზინო თეატრში), ოპერები დიდი პოპულარობით სარგებლობდა იმდროინდელ ბავშვებში; IV და V რესპუბლიკური ოლიმპიადების საპატიო სიგელების მფლობელი; ლოტბარი.

წყარო: ქართული მუსიკის ენციკლოპედიური ლექსიკონი. – თბ., 2015. – გვ. 429

• მედალი "შრომითი მამაცობისთვის"