მზია სიმონიშვილი

დაბადების ადგილი: ქ. თბილისი.

დაამთავრა ვანო სარაჯიშვილის სახელობის თბილისის სახელმწიფო კონსერვატორია 1989 წელს (საფორტეპიანო).

სწავლის პერიოდშივე გამოდიოდა საქართველოს ფილარმონიის ორკესტრთან ერთად ჯ. კახიძის დირიჟორობით, აგრეთვე მოსკოვში, ლენინგრადში, კიევში, ერევანში; 1990 წლიდან მონაწილეობდა ფესტივალებში (ფინეთი, ჰოლანდია), მიიღო მიწვევები და გამართა სოლო კონცერტები ჰოლანდიაში, შვეიცარიასა და იტალიაში (ლა სკალას სცენაზე); ამავე წლიდან იყო საქართველოს ფილარმონიის სოლისტი, პარალელურად ვ. სარაჯიშვილის სახელობის თბილისის სახელმწიფო კონსერვატორიაში პროფესორ ვ. შიუკაშვილის ასისტენტი; 1992 წელს შედგა მისი დებიუტი შვეიცარიაში; 1993 წელს სწავლა განაგრძო ვენის Hohschsule-ში, პედაგოგი პ. ბადურა-სკოდა; ხშირად მართავდა კონცერტებს ევროპის სხვადასხვა საკონცერტო დარბაზებში; 2004 წლიდან მართავდა საქველმოქმედო კონცერტებს ქართველი ბავშვების დასახმარებლად; პიანისტი.

წყარო: ქართული მუსიკის ენციკლოპედიური ლექსიკონი. – თბ., 2015. – გვ. 432; წიგნი ღირსებისა: ტ. 4/ შემდგ.: თამაზ ყიფიანი (რედ.), თენგიზ გაჩეჩილაძე, გურამ სიმონიშვილი.- თბ., 2002. - გვ.74

• 1999 - ღირსების ორდენი
  ქართული მუსიკალური ხელოვნების განვითარება - პოპულარიზაციაში შეტანილი პირადი დიდი წვლილისა და ნაყოფიერი საკონცერტო მოღვაწეობისათვის
• 1998 - მონაკოს კონკურსი, საპატიო დიპლომი და I პრემია
• 1994 - ბუზონის სახელობის კონკურსი, I პრემია (ბოლცანო, იტალია)
• 1980 - საქართველოს ეროვნული კონკურსი
• ფორტეპიანოს სახალხო ოსტატები, I პრემია (მონტე-კარლო, საფრანგეთი)
• მენდელსონის სახელობის კონკურსი, I პრემია (ჰამბურგი, გერმანია)