ირაკლი ვეზირიშვილი

დაბადების ადგილი: სოფელი ოსიაური, ყოფილი გორის მაზრა.

საერთო განათლება მიიღო ტფილისის კადეტთა კორპუსში. სამხედრო სამსახურში შევიდა 1885 წელს. დაამთავრა კონსტანტინეს მე-2 სამხედრო სასწავლებელი და ალექსანდრეს სამხედრო-იურიდიული აკადემია (1-ი თანრიგით).

მსახურობდა 156-ე ელისავეტპოლის (შემდგომში განჯა) ქვეით პოლკში. 1905-1907 წლებში იყო სამხედრო-სასამართლო თანამდებობაზე დასანიშნი კანდიდატი. 1907 წელს დაინიშნა სამხედრო პროკურორის თანაშემწედ. 1907-1911 წლებში მსახურობდა კავკასიის სამხედრო ოლქის სამხედრო გამომძიებლად. 1911 წელს დაინიშნა კავკასიის სამხედრო-საოლქო სასამართლოს სამხედრო პროკურორის თანაშემწედ, ამავე წელს მიენიჭა პოლკოვნიკის სამხედრო წოდება. 1918-1921 წლებში მსახურობდა ქართულ ჯარში, იყო დამოუკიდებელი საქართველოს პირველი სამხედრო პროკურორი. 1921 წლიდან ემიგრაციაში წავიდა. გარდაიცვალა XX საუკუნის I ნახევარში, საფრანგეთში. რუსეთის არმიის გენერალ-მაიორი (1919).

წყარო: საქართველო: ენციკლოპედია: ტ.III.–თბ., 2014.-გვ.235;  სამხედრო ფიცის ერთგულნი: ქართველი გენერლები.-თბ., 2015.-გვ.30

• 1915 - წმინდა ვლადიმირის IV ხარისხის ორდენი
• 1915 - წმინდა ანას II ხარისხის ორდენი
• 1909 - წმინდა სტანისლავის II ხარისხის ორდენი
• 1906 - წმინდა ანას III ხარისხის ორდენი