გიორგი ვეკუა

დაბადების ადგილი: სოფელი მცირე ბარღები, ახლანდელი გალის მუნიციპალიტეტი.

დაამთავრა თბილისის სახელმწიფო უნივერსიტეტის ფილოსოფიის ფაკულტეტი 1951 წელს; ამავე უნივერსიტეტის ასპირანტურა - 1954 წელს.

მონაწილეობდა მეორე მსოფლიო ომში (1941-1945); 1962-1994 წლებში იყო თბილისის სახელმწიფო სამედიცნო ინსტიტუტის ფილოსოფიის კათედრის გამგე; 1994 წლიდან საზოგადოებრივ მეცნიერებათა კათედრის პროფესორი. გიორგი ვეკუას კვლევის ძირითადი მიმართულებებაა მეცნიერების ფილოსოფიის, კერძოდ, მედიცინის ფილოსოფიური პრობლემები. მან გამოიკვლია ბიოლოგიურისა და სოციალურის თანაფარდობის პრობლემა მედიცინაში, გამოააშკარავა მცდარობა გაბატონებული შეხედულებისა ავადმყოფობის სოციალურობის შესახებ, აჩვენა, რომ დაავადების არსება ბიოლოგიურ კანონზომიერებას ექვემდებარება, მიუხედავად იმისა, რომ იგი სოციალურ არსებას (ადამიანს) ეკუთვნის; მეორე პრობლემა, რომელიც მან დაამუშვა, არის მიზეზობრიობის პრობლემა ფილოსოფიასა და მედიცინაში (მიზეზის ცნების ახლებური განსაზღვრება, დაავადებათა მიზეზისა და პირობების, საერთო და განმასხვავებელი ნიშნების დადგენა, დაავადებათა პოლიეტიოლოგიურობის თეორიის უარყოფა და სხვა); მესამე პრობლემა, რომელიც მან დაამუშავა, არის საკითხი საძიებო აქტივობის მნიშვნელობა ადამიანთა ჯანმრთელობის დაცვაში. ფილოსოფიის მეცნიერებათა დოქტორი (1978), პროფესორი (1979), აკედემიკოსი.

წყარო: საქართველო: ენციკლოპედია: ტ.III.–თბ., 2014.-გვ.237; ქართველი ფილოსოფოსები: IV საუკუნიდან XX საუკუნის ჩათვლით: ცნობარი.-ბათუმი, 2004. -გვ.80-81; წიგნი ღირსებისა: ტ. 2/ შემდგ.: თამაზ ყიფიანი (რედ.), თენგიზ გაჩეჩილაძე, გურამ სიმონიშვილი.- თბ., 2001. - გვ.111

• საქართველოს ფილოსოფიურ და სამედიცინო-ბიოლოგიურ მეცნიერებათა აკადემია, აკადემიკოსი (1995-)

• 1997 - ღირსების ორდენი

• ბიოეთიკა : სახელმძღვ. უმაღ. და საშ. სპეც. სასწ. სტუდ. (ავტორი). - თბილისი, ლეგა, 2001. - 406გვ.
• მედიცინის ფილოსოფია : ლექციების მოკლე კურსი (ავტორი). - თბილისი, 1997. - 104გვ.
• მიზეზობრიობის პრობლემა ფილოსოფიასა და მედიცინაში (ავტორი). - თბილისი, საბჭ.საქართველო, 1977. - 144გვ.
• თანამედროვე მედიცინის ზოგიერთი ფილოსოფიური საკითხი : მეთოდ. მითითებანი მედიცინის ფილოსოფიური პრობლემების შემსწავლელთა დასახმარებლად (ავტორი). - თბილისი, საბჭ.საქართველო, 1968. - 77გვ.