ილარიონ სიხარულიძე

დაბადების ადგილი: სოფელი მაკვანეთი, გურია.

ხალხური სიმღერების საფუძვლიანი შესწავლა დაიწყო 15 წლის ასაკში, არტემ ერქომაიშვილთან; მღეროდა ვ. სიმონიშვილის ეთნოგრაფიულ გუნდში; 1932 წელს გახდა სოფელ ლიხაურის გუნდის ლოტბარი; სხვადასხვა დროს ხელმძღვანელობდა ჭანიეთის, ლაშეს, განახლების, გურიანთის, ქვედა ბახვის, მერიის, ნარუჯის, ლაითურის, მაკვანეთის სოფლების გუნდებს; 1963 წლიდან იყო უხუცესთა ანსამბლის "დილას" წევრი; მონაწილეობდა ტრიოში შ. ჭკუასელთან და დ. ქარჩავასთან ერთად; ჰქონდა სიმღერის განსაკუთრებული მანერა, სიმღერის დროს პირს თითქმის არ აღებდა, შეუმჩნევლად, გვერდულად გამოსცემდა ბგერებს; ჰყავდა საოჯახო გუნდი, მღეროდნენ მისი ოჯახის წევრები: მისი შვილები ლია და ტრისტანი, შემდეგ კი შვილიშვილები მაია და ზაზა; ლოტბარი, გურული ხალხური სიმღერების ცნობილი შემსრულებელი.

წყარო: ქართული მუსიკის ენციკლოპედიური ლექსიკონი. – თბ., 2015. – გვ. 434