გიორგი პაპალაშვილი

დაბადების ადგილი: სოფელი ტიბაანი, სიღნაღის რაიონი.

დაამთავრა თბილისის სახელმწიფო უნივერსიტეტის ზოოტექნიკური განყოფილება 1931 წელს.

1936-1974წწ. ხელმძღვანელობდა თბილისის სახელმწიფო უნივერსიტეტის გენეტიკის კათედრას. დიდი როლი შეასრულა საქართველოში გენეტიკის განვითარების საქმეში. ძირითად ნაშრომებში განხილულია ზოგადი და რადიაციული გენეტიკის, აგრეთვე ცხოველთა (თუთის აბრეშუმხვევია, ქართ. ცხვარი) და მცენარეთა (სიმინდი) კერძო გენეტიკის საკითხები. შეიმუშავა მრავალტაროიანი სიმინდის გენეტიკური ტიპების შექმნის გზები. ბიოლოგიის მეცნიერებათა დოქტორი (1957), პროფესორი (1959), გენეტიკოსი. მიღებული აქვს სახელმწიფო ჯილდოები. 

წაყარო: ქართული საბჭოთა ენციკლოპედია: ტ. 7-თბ., 1984.-გვ.667

• სკკპ, წევრი (1939-)

• 1972 - საქართველოს მეცნიერებათა დამსახურებული მოღვაწე
• წითელი დროშის ორდენი