ვახტანგ II გურიელი

ვახტანგ II გურიელი იყო გურიის მთავარი 1639-1640 წლებში, გიორგი II გურიელის უმცროსი ვაჟი. საბატონიშვილოდ ჰქონდა მდინარე ბჟუჟის ხეობა. XVII საუკუნის დასაწყისში ზარზმიდან (სამცხე) გადმოტანილი საეკლესიო სიწმინდეების დასაცავად შემოქმედის ეკლესიასთან ააგო ღვთისმშობლის შობის ეკლესია და მას რამდენიმე აზნაური და ოთხმოცი კომლი გლეხი შესწირა. 1639 წელს გურიელად დასვა ლევან II დადიანმა და ფაქტობრივად მისი ვასალი იყო. 1640 წელს მან გურიიდან განდევნა ქრისტეფორო დე კასტელი და სხვა მისიონერები.

წყარო: საქართველო: ენციკლოპედია: ტ.III.–თბ., 2014.-გვ.228