ჯემალ ნავროზაშვილი

დაამთავრა თბილისის კულტ-საგანმანათლებლო სასწავლებლის ქორეოგრაფიული განყოფილება (ა. თათარაძის ხელმძღვანელობით) 1960 წელს.

1960 წლიდან საქართველოს ხალხური ცეკვის სახელმწიფო აკადემიური დამსახურებული ანსამბლის (ხელმძღვანლები ი. სუხიშვილი, ნ.რამიშვილი, ახლანდელი "ქართული ნაციონალური ბალეტი") სოლისტი-მოცეკვავე. 1966 წელს მთიულური ცეკვების წარმატებით შესრულებისათვის ქართული ხალხური ცეკვის ინდივიდუალურ შემსრულებელთა III რესპუბლიკურ კონკურსზე ოქროს მედალი და პირველი ხარისხის დიპლომი დაიმსახურა. 1972 წელს ანსამბლის ხელმძღვანელობის დავალებით ქ. ლოძის (პოლონეთი) ოპერისა და ბალეტის თეატრის სცენაზე დადგა ქართული ცეკვები ზ. ფალიაშვილის ოპერაში "აბესალომ და ეთერი". ანსამბლში მუშაობის პარალელურად ეწეოდა ნაყოფიერ პედაგოგიურ მოღვაწეობას ქართული ხალხური ცეკვის თბილისის სახელმწიფო სკოლა-სტუდიაში.

წყარო: თბილისი: ენციკლოპედია.- თბ., 2002. - გვ.703; წიგნი ღირსებისა: ტ. 1/ შემდგ.: თამაზ ყიფიანი (რედ.), თენგიზ გაჩეჩილაძე, გურამ სიმონიშვილი.- თბ., 2000. - გვ.395

• 1999 - ღირსების ორდენი
  ქართული კულტურის განვითარებაში, მის პოპულარიზაციაში, კულტურულ - საგანმანათლებლო საქმიანობაში შეტანილი დიდი პირადი დიდი წვლილისათვის, ნაყოფიერი შემოქმედებითი, პედაგოგიური და საზოგადოებრივი მოღვაწეობისათვის
• 1996 - ღირსების მედალი
  საქართველოს კულტურის სამინისტროს სისტემის სახელოვნებო განათლების დარგში შეტანილი წვლილისათვის, ხანგრძლივი და ნაყოფიერი პედაგოგიური მოღვაწეობისათვის
• 1985 - საქართველოს სახალხო არტისტი