ალექსანდრე ჟღენტი

სწავლობდა თბილისის სახელმწიფო უნივერსიტეტის აღმოსავლეთმცოდნეობის ფაკულტეტის არაბული ქვეყნების ისტორიის სპეციალობაზ; დაამთავრა ი. კ. კარპენკო-კარის სახელობის კიევის კინოსა და თეატრის ინსტიტუტში კინოსარეჟისორო ფაკულტეტი 1971 წელს.

1972 წლიდან მუშობდა რეჟისორად კინოსტუდია "ქართულ ფილმში"; 1990 წელს იყო ინიციატორი ფეხბურთში ეროვნული ჩემპიონატის ჩატარებისა; 1990-1991წწ. საქართველოს რესპუბლიკის პირველი მოწვევის უზენაესი საბჭოს წევრი, საარჩევნო ბლოკი: "მრგვალი მაგიდა-დამოუკიდებელი საქართველო, საარჩევნო ფორმა: მაჟორიტარული, მაჟორიტარი ჩოხატაურის №84 საარჩევნო ოლქიდან, საქართველოს ეროვნულ-ლიბერალური კავშირი; ხელი აქვს მოწერილი საქართველოს სახელმწიფოებრივი დამოუკიდებლობის აღდგენის აქტზე (1990 წლის 9 აპრილი); 2002 წელს სპორტული კინოსა და ტელევიზიის მსოფლიო დღის დაარსების ინიციატორი. დამდგმელი რეჟისორია ფილმების: "მონადირე" (1970), "ცოტნე დადიანი" (1971), "ამბავი აფხაზი ჭაბუკისა" (1977), "სტადიონი" (დოკუმენტური, 1980), "გაუმარჯოს ქართულ ფეხბურთს!" (დოკუმენტური, 1987), "პირველი ეროვნული"(დოკუმენტური, 1990), "საქართველოს ზარები" (დოკუმენტური, 1993), "ქართული ფეხბურთი 110 წლისაა" (დოკუმენტური, 2011) და სხვ.; სცენარის ავტორია ფილმებისა: "მონადირე" (1970), "ამბავი აფხაზი ჭაბუკისა" (1977), "სტადიონი" (დოკუმენტური, 1980), "გაუმარჯოს ქართულ ფეხბურთს!" (დოკუმენტური, 1987), "პირველი ეროვნული"(დოკუმენტური, 1990), "საქართველოს ზარები" (დოკუმენტური, 1993), "ქართული ფეხბურთი 110 წლისაა" (დოკუმენტური, 2011) და სხვ. 2008 წელს, ქ. ბათუმში გამართულ მართლმადიდებლური ფილმების III საერთაშორისო ფესტივალზე მიენიჭა პრიზი "წმინდა ანდრიას ჯვარი" - კომუნისტური რეჟიმის პერიოდში შემოქმედებითი გამბედაობისათვის.

წყარო: ეროვნული ფილმოგრაფიის პორტალი: geocinema.ge; საქართველოს პარლამენტის ვებგვერდი: parliament.ge; საქართველოს პარლამენტის წევრები 1990-2015/კობა ამირხანაშვილი.- თბ.-2015.-გვ.295

• ახალგაზრდა კინემატოგრაფისტთა სექცია, თავმჯდომარე (1978-1982)
• ვასილ ამაშუკელისა და ალექსანდრე წუწუნავს საზოგადოება, დამფუძნებელი (1991-)
• საქართველოს კინემატოგრაფისტთა შემოქმედებითი კავშირი, წევრი (1978-)
• საქართველოს რესპუბლიკის პირველი მოწვევის უზენაესი საბჭო, წევრი (1990-1991)
• საქართველოს რესპუბლიკის უზენაესი საბჭო, თავმჯდომარის მოვალეობის შემსრულებელი (2005-)
• საქართველოს საპარლამენტო კინორეფორმის კომისია, თავმჯდომარე (1991-)
• საქართველოს სპორტული კინოსა და ტელევიზიის ფედერაცია, პრეზიდენტი (2003-)
• საქართველოს სპორტული კინოსა და ტელევიზიის ფედერაცია, საპატიო პრეზიდენტი (2008-)
• საქართველოს ფეხბურთის ფედერაციის საექსპერტო კომიტეტი, თავმჯდომარე (1990-1991)

• 1977 - აფხაზეთის ხელოვნების დამსახურებული მოღვაწე