ოთარ ვერულავა

დაბადების ადგილი: ქ. თბილისი.

დაამთავრა საქართველოს პოლიტექნიკური ინსტიტუტის ავტომატიკისა და გამოთვლითი ტექნიკის ფაკულტეტი 1967 წელს.

მუშაობა დაიწყო საქართველოს მეცნიერებათა აკადემიის ელექტრონიკის, ავტომატიკისა და ტელემექანიკის სამეცნიერო-კვლევით ინსტიტუტში, ინფორმაციის გარდაქმნის განყოფილებაში. 1975 წლიდან ეწევა პედაგოგიურ საქმიანობას საქართველოს ტექნიკურ უნივერსიტეტში ავტომატური მართვის კათედრაზე. 1998 წელს მისი ინიციატივით შეიქმნა ხელოვნური ინტელექტის კათედრა. ოთარ ვერულავას სამეცნიერო მოღვაწეობის სფეროა ხელოვნური ინტელექტის თეორიის მახასიათებლები, კლასტერირების თეორია, გადაწყვეტილებათა მიღება და აღწერების აგება სახეთა ამოცნობაში. გამოქვეყნებული აქვს 2 მონოგრაფია. ტექნიკურ მეცნიერებათა დოქტორი (1993), პროფესორი (1994). ინჟინერი მართვის სისტემების დარგში.

წყარო: საქართველო: ენციკლოპედია: ტ.III.–თბ., 2014.-გვ.252; საქართველოს მეცნიერებათა დოქტორები, 1992-2006/შემდგ. და რედ.: ირინა ჯაფარიძე. -თბ., 2012. -გვ.191

• ბაზელის (შვეიცარია) სამეცნიერო საზოგადოება, კოლეგიის წევრი (2005-)

• ქართული ნაბეჭდი სიმბოლოების პრეპარირება : მონოგრაფია (ავტორი). - თბილისი, 2011. - 110გვ.
• ხელოვნური ინტელექტი. ინტელექტუალური აგენტების თეორია = Artificial intelligence. The intelligent agents' theory : მონოგრაფია (ავტორი). - თბილისი, 2011. - 275გვ.
• თვისებრივი ნიშნების ანალიზი ნაბეჭდი ტექსტების ამოცნობისათვის : მონოგრაფია (ავტორი). - თბილისი, 2009. - 167გვ.
• რანგული კავშირების თეორია-ამოცნობის პროცესების მოდელირება (ავტორი). - თბილისი, 2004. - 346გვ.
• ამომცნობი სისტემების თეორიის საფუძვლები (ავტორი). - თბილისი, სტუ-ს სტ., 2001. - 296გვ.