მიხეილ სალუქვაძე

დაბადების ადგილი: ქ. ბათუმი.

დაამთავრა თბილისის სახელმწიფო უნივერსიტეტის ფილოლოგიის ფაკულტეტის ჟურნალისტიკის განყოფილება, ჟურნალისტის სპეციალობით 1954 წელს.

1958 წლიდან ეწეოდა კინოდრამატურგისა და კინორეჟისორის შემოქმედებით საქმიანობას; 1989–2000 და 2002–2005წწ. იყო საქართველოს სამეცნიერო–პოპულარული და დოკუმენტური ფილმების სტუდია "მემატიანეს" დირექტორი და საკოორდინაციო საბჭოს თავმჯდომარე, კინოსტუდიის სამხატვრო ხელმძღვანელი. დამდგმელი რეჟისორია ფილმების: "პირველი ზარი" (დოკუმენტური, 1972), "დავით გურამიშვილი" (დოკუმენტური, (1980), "დღე და საუკუნე"(დოკუმენტური, 1984); სცენარის ავტორია ფილმების: "საქართველო არის ესე" (დოკუმენტური, 1967), "ქართული ქორწილი" (დოკუმენტური, 1970), "საქართველოს ლეგენდები და სინამდვილე" (დოკუმენტური, 1971), "პირველი ზარი"(დოკუმენტური, 1972), "დავით გურამიშვილი" (დოკუმენტური, 1980), "დღე და საუკუნე" (დოკუმენტური, 1984); პროდიუსერია ფილმის: "ძველი ქართული ხელნაწერები" (დოკუმენტური, 1988).

წყარო: ეროვნული ფილმოგრაფიის პორტალი: geocinema.ge; წიგნი ღირსებისა: ტ. 5/ შემდგ.: თამაზ ყიფიანი (რედ.), თენგიზ გაჩეჩილაძე, გურამ სიმონიშვილი.- თბ., 2003. - გვ.110

• საქართველოს კინემატოგრაფისტთა შემოქმედებითი კავშირი, წევრი

• 2000 - ღირსების ორდენი
• საქართველოს ხელოვნების დამსახურებული მოღვაწე