თენგიზ სამსონაძე

დაბადების ადგილი: ქ. საჩხერე.

დაამთავრა იაკობ ნიკოლაძის სახელობის სამხატვრო სკოლა 1949 წელს; თბილისის სახელმწიფო სამხატვრო აკადემიის სახვითი ხელოვნების ფაკულტეტი 1955 წელს. დარგი: ფერწერა, გრაფიკა, თეატრალური და კინო–სატელევიზიო მხატვრობა.

1955 წლიდან სისტემატურად მონაწილეობდა გამოფენებში. დამდგმელი მხატვარია ფილმების: "ფუნჯით ნათქვამი"(1960), "ექიმი მიდის ფეხბურთზე" (1962), "ციმბირის პაპა" (დოკუმენტური, 1968), "დილა მშვიდობისა" (დოკუმენტური, 1974), "სუფთა დაფა" (1981) და სხვ. მისი ნამუშევრები დაცულია თბილისის ეროვნულ გალერეაში.

წყარო: ეროვნული ფილმოგრაფია: geocinema.ge; წიგნი ღირსებისა: ტ. 3/ შემდგ.: თამაზ ყიფიანი (რედ.), თენგიზ გაჩეჩილაძე, გურამ სიმონიშვილი.- თბ., 2001. - გვ.281

• საქართველოს კინემატოგრაფისტთა შემოქმედებითი კავშირი, წევრი (1968-)
• საქართველოს მხატვართა კავშირი, წევრი (1958-)

• 1998 - ღირსების ორდენი
  ქართული სახვითი ხელოვნების განვითარებაში, მის პოპულარიზაციაში შეტანილი პირადი დიდი წვლილისა და ნაყოფიერი პედაგოგიური მოღვაწეობისათვის
• 1994 - აკაკი წერეთლის სახელობის პრემია
• 1980 - საქართველოს სახალხო მხატვარი