ალექსანდრე ნიკოლაიშვილი

დაამთავრა შარლოტენბურგ ბერლინის (გერმანია) უმაღლესი ტექნიკური სკოლის სამშენებლო ფაკულტეტის არქიტექტურის განყოფილება 1927 წელს.

1928 წლიდან მუშაობდა საქართველოში; 1930 წლიდან ეწეოდა პედაგოგიურ მოღვაწეობას; მისი ხელმძღვანელობით 30-60-იან წლებში შედგა რამდენიმე ქალაქის (ფოთი, ბათუმი და სხვა) ახალი მუშათა დასახლებების, კურორტების (მალთაყვა, ქობულეთი და სხვა) გენერალური დაგეგმარების პროექტი. ძირითადი ნამუშევრები: თბილისში - სპეციალისტების საცხოვრებელი სახლის კომპლექსი (1930; მ. შავიშვილთან ერთად), ჩაის საწონი ფაბრიკა (1937) და სხვა. მიღებული აქვს სახელმწიფო ჯილდოები. ქალაქმშენებლობითი დისციპლინის ერთ-ერთი ფუძემდებელი საქართველოში.

წყარო: თბილისი: ენციკლოპედია.- თბ., 2002. - გვ.710; საქართველოს არქიტექტორთა და მშენებელთა ენციკლოპედია. - თბ., 2017.-გვ.459

• 1969 - საქართველოს ხელოვნების დამსახურებული მოღვაწე
• საპატიო ნიშნის ორდენი