ვიქტორ ნინიძე

დაბადების ადგილი: სოფელი ასკანა, ოზურგეთის რაიონი.

1904 წლიდან მონაწილეობდა სოფლის სცენისმოყვარეთა წარმოდგენებში. 1905 წლის რევოლუციის პერიოდში მოღვაწეობდა ჭიათურის თეატრში; 1909-1921წწ. და 1922-1924წწ. მუშაობდა თბილისის სახალხო სახლში მსახიობად; 1921 წელს სამაზრო ხელისუფლების დავალებით ოზურგეთში ჩამოაყალიბა პროფესიული თეატრი; 1924-1928წწ. რეჟისორ-მსახიობად მოღვაწეობდა სხვადასხვა კლუბთან არსებულ დრამწრეებში; იყო თბილისის სანკულტურის თეატრის ერთ-ერთი დამაარსებელი; 1928-1962წწ. - მისი სამხატვრო ხელმძღვანელი; დიდი დამაჯერებლობით ასახიერებდა სახასიათო და კომედიურ როლებს: დათია ("ქრისტინე", ე. ნინოშვილის მიხედვით), გიორგი (ნ. ნაკაშიძის "კაცის სამართალი"), ბოქაული (ი. გედევანიშვილის "მსხვერპლი"), სტეფანე (ს. ბელოის "უმუშევარნი") და სხვა. საუკეთესო დადგმებს შორისაა ი. ეკალაძის "ნომერი 21 ჯვრით", ი. გედევანიშვილის "მსხვერპლი", ტ. რამიშვილის "სტუმარ-მასპინძლობა", გ. ბერძენიშვილის "ოქროს ვერძი", შ. დადიანის "გუშინდელნი", ჰ. იბსენის "მოჩვენებანი" და სხვა. იგი ავტორია პიესებისა: "სამწუხარო შედეგი", "თითო ჭიქა", თბილისში არის ვიქტორ ნინიძის სახელობის ქუჩა.

წყარო: თბილისი: ენციკლოპედია.- თბ., 2002. - გვ.712

• 1941 - საქართველოს სახალხო არტისტი

• თბილისის სანკულტურის თეატრი (თანაავტორი). - თბილისი, ხელოვნება, 1955. - 108გვ.