გიორგი ნაფეტვარიძე

დაბადების ადგილი: სოფელი შუამთა, ახლანდელი ვანის რაიონი. 

დაამთავრა ქუთაისის პედაგოგიური ინსტიტუტი 1939 წელს.

1941-1942წწ. დიდი სამამულო ომის მონაწილე. გმირულად დაიღუპა სევასტოპოლის მახლობლად. პირველი ლექსი 1936 წელს დაბეჭდა გაზეთ "სტალინელში". ლექსებისა და პოემების პირველი კრებული "გაფრენილი დურაჯი" 1957 წელს გამოქვეყნდა. პოეტური და პროზაული ნაწარმოებების ძირითადი მოტივებია სიყვარული, პატრიოტიზმი, მოწოდება შემოსეულ მტერთან დაუნდობელი ბრძოლისაკენ (კრებულები: "დაუმთავრებელი ბალადა", 1961; "სიყვარული", 1965; "ლექსები. ბალადები. პოემები. მოთხრობები. ფრონტული წერილები", 1970; "ნახვამდის", 1979).

წყარო: ქართული საბჭოთა ენციკლოპედია: ტ.7-თბ., 1984.-გვ.332

• ჩვენთან ქუხილი ღამეს ათევდა : ლექსები, ბალადები, მოთხრობები, წერილები (ავტორი). - თბილისი, მერანი, 1984. - 198გვ.
• ნახვამდის : ლექსები, ბალადები, პოემა, მოთხრობები, ფრონტული დღიურები (ავტორი). - თბილისი, საბჭ. საქართველო, 1979. - 235გვ.
• ლექსები. ბალადები. პოემები. მოთხრობები. ფრონტული წერილები (ავტორი). - თბილისი, საბჭ. საქართველო, 1970. - 326გვ.
• დაუმთავრებელი ბალადა : ლექსები, ბალადები და მოთხრობები (ავტორი). - თბილისი, საბჭ. მწერალი, 1961. - 196გვ.
• გაფრენილი დურაჯი : ლექსები და პოემები (ავტორი). - თბილისი, საბჭ. მწერალი, 1957. - 132გვ.