შალვა ნახუცრიშვილი

დაბადების ადგილი: სოფელი ხაშმი, საგარეჯოს რაიონი.

1934 წლიდან მუშაობდა საქ. სსრ მეცნიერებათა აკადემიაში ბოტანიკის ინსტიტუტის უფროს მეცნიერ-თანამშრომლად. 1969 წლიდან ამავე ინსტიტუტის მდელოსნობის ჯგუფის ხელმძღვანელია. შეისწავლა საქართველოს ზამთრისა და ზაფხულის სათიბ-საძოვრები. მისი ძირითადი ნაშრომებია: "ჯავახეთის ძიგვიანები და მათი გაუმჯობესება" (1947); "აღმოსავლეთ საქართველოს ზამთრის საძოვრების ძირითადი ფორმაციების ბალახნარის დინამიკა" (1958), "მაღალმთის საძოვრების წარმადობის დინამიკა" (1963) და სხვა. ბიოლოგიის მეცნიერებათა დოქტორი (1966), ბოტანიკოსი (გეობოტანიკოსი, მდელოთმცოდნე), მდელოთმცოდნეობის ერთ-ერთი ფუძემდებელი საქართველოში. მიღებული აქვს სახელმწიფო ჯილდოები.

წყარო: ქართული საბჭოთა ენციკლოპედია: ტ.7-თბ., 1984.-გვ.355

• 1978 - საქართველოს მეცნიერებათა დამსახურებული მოღვაწე
• შრომის წითელი დროშის ორდენი

• საქართველოს ზამთრისა და ზაფხულის საძოვრების გამოყენების რაციონალური წესები (ავტორი). - თბილისი, საქ. სსრ მეცნ. აკად. გამ-ბა და სტ., 1962. - 49გვ.
• მეთოდური მითითებანი მდელოსნობაში : აგრ. ფაკ-ის სტუდ., 1957-58 სასწ. წელი (ავტორი). - თბილისი, საქ. სას.-სამ. ინ-ტის გამ-ბა, 1957. - 10გვ.