გივი ნოდია

დაბადების ადგილი: ქ. ქუთაისი.

დაამთავრა საქართველოს პოლიტექნიკური ინსტიტუტი.

1976-1978წწ. თამაშობდა ქუთაისის "ტორპედოში"; 1967-1975წწ. იყო თბილისის "დინამოს" თავდამსხმელი; უმაღლეს ლიგაში ჩატარებული აქვს 314 მატჩი (93 გოლი), სსრკ ნაკრებში - 20 მატჩი (5 გოლი); 1970 წელს მსოფლიო ჩემპიონატის მონაწილე; 1972 წელს ევროპის ჩემპიონატის მეორე პრიზიორი; სსრკ ჩემპიონატების ოთხგზის მესამე პრიზიორი (1967, 1969, 1971, 1972); გ. ფედოტოვის სახელობის კლუბის წევრი (110 გოლი); 1970 წელს სსრკ ჩემპიონატის საუკეთესო სნაიპერი, ბომბარდირი (17 გოლი); ხუთჯერ დაასახელეს სსრკ 33 საუკეთესო ფეხბურთელის სიაში; ერთ-ერთი ყველაზე შედეგიანი თავდამსხმელი თბილისის "დინამოს" ისტორიაში. გამოირჩეოდა საგოლე ალღოთი; 1982, 1985-1986წწ. მუშაობდა ქუთაისის "ტორპედოს" უფროს მწვრთნელად. ფეხბურთელი.

წყარო: თბილისი: ენციკლოპედია.- თბ., 2002. - გვ.714; წიგნი ღირსებისა: ტ. 3/ შემდგ.: თამაზ ყიფიანი (რედ.), თენგიზ გაჩეჩილაძე, გურამ სიმონიშვილი.- თბ., 2001. - გვ.49

• 1998 - ღირსების ორდენი
  საქართველოში ფეხბურთის განვითარების, მაღალკვალიფიციურ ფეხბურთელთა მომზადებისა და აღზრდის საქმეში შეტანილი განსაკუთრებული წვლილისათვის
• 1979 - საქართველოს დამსახურებული მწვრთნელი
• 1972 - საერთაშორისო კლასის სპორტის ოსტატი