მიხეილ ნოდია

სწავლობდა ნოვოროსიის (ოდესა) უნივერსიტეტში; 1919 წელს ექსტერნად დაამთავრა თბილისის სახელმწიფო უნივერსიტეტი.

1923-1934წწ. იყო თბილისის ფიზიკის (გეოფიზიკის) ობსერვატორიის მაგნიტური განყოფილების გამგე; 1925-1933წწ. - დირექტორი; 1939-1943წწ. - გეოფიზიკის ინსტიტუტის დირექტორი; 1933-1975წწ. ხელმძღვანელობდა თბილისის სახელმწიფო უნივერსიტეტში მისივე ინიციატივით ჩამოყალიბებულ გეოფიზიკის კათედრას; 1941-1948წწ. საქართველოს პოლიტექნიკური ინსტიტუტის ფიზიკის კათედრას. მისი ძირითადი შრომები ეხება დედამიწის მაგნეტიზმსა და სასარგებლო წიაღისეულის ძიების მაგნიტური მეთოდების დამუშავებას; 1931-1935წწ. მონაწილეობდა კავკასიის ტერიტორიის გენერალურ მაგნიტურ დაგეგმვაში; შეისწავლა კავკასიის ტერიტორიის მაგნიტური ველი და შეადგინა მისი განაწილების რუკები. მისი მეცნიერული ხელმძღვანელობით და მონაწილეობით შედგენილია დედამიწის მაგნიტური ველის კატალოგი; მიღებული აქვს სახელმწიფო ჯილდოები; 1992 წელს მისი სახელი მიენიჭა გეოფიზიკის ინსტიტუტს; თბილისის სახელმწიფო უნივერსიტეტში არის მისი სახელობის კაბინეტი; დანიშნულია მისი სახელობის სტიპენდია; გეოფიზიკოსი, მაგნიტოლოგი, საქართველოში გეოფიზიკის მეცნიერების ფუძემდებელი. გეოფიზიკის ინსტიტუტის დაარსების ერთ-ერთი ინიციატორი, საზოგადოება "ცოდნის" ერთ-ერთი დამაარსებელი; ფიზიკა-მათემატიკის მეცნიერებათა დოქტორი (1937), პროფესორი (1938).

წყარო: თბილისი: ენციკლოპედია.- თბ., 2002. - გვ.714; ქართველი მოგზაურები, გეოგრაფები, ბუნების მკვლევარნი: ენციკლოპედიური ცნობარი.-თბ., 2003. -გვ.211

• გეომაგნეტიზმისა და აერონომიის საერთაშორისო აკადემია, წევრი
• საქართველოს გეოგრაფიული საზოგადოება, საპატიო წევრი

• 1944 - საქართველოს მეცნიერებათა დამსახურებული მოღვაწე
• ლენინის ორდენი

• დედამიწის მაგნეტიზმი და მზისა და კოსმოსის გამოსხივებანი (ავტორი). - თბილისი, საბჭოთა საქართველო, 1964. - 38გვ.
• კომპასი და დედამიწის მაგნიტიზმი (ავტორი). - თბილისი , სახელგამი, 1951. - 44 გვ.
• რადიოლოკაცია (ავტორი). - თბილისი, სახელგამი, 1949. - 40 გვ.
• თერმომეტრია და კალორიმეტრია (ავტორი). - თბილისი, სსრკ მეცნ. აკადემიის საქ. ფილიალის გამ-ბა და სტ., 1937. - 103გვ.
• ფიზიკისა და გეოფიზიკის მეთოდები საძიებო საქმეში : პოპულარულად (ავტორი). - ტფილისი, ტექსტი და შრომა, 1933. - 21გვ.