ნუგზარ არაგვის ერისთავი

 XVII საუკუნის I მეოთხედის პოლიტიკური მოღვაწე არაგვის ერისთავი და მკაცრი მებატონე. გიორგი სააკაძის სიმამრი. ცნობილი იყო თავისი გოროზი ხასიათით; 1603 წელს აუჯანყდა კახეთის მეფეს და ქართლის მეფის გიორგი X-ს ქვეშევრდომი გახდა. 1612 წელს გიორგი სააკაძესთან ერთად ირანში გაიქცა, მაგრამ მალე შაჰის ნებართვით სამშობლოში დაბრუნდა. იგი მკაცრი მეთოდებით ცდილობდა ბატონყმურ ურთიერთობათა დანერგვას მთაში; "კავკაზსკი კალენდარში" შემორჩენილი ზეპირი გადმოცემის მიხედვით, თბილისში მას მიეწერება ახლანდელი ნ. ბარათაშვილის ხიდის ადგილას ქვითკირის ბურჯებზე შემდგარი ორ- ან სამ-მალიანი ხიდის აგება. 1909 წელს  "მუხრანის ხიდის" მშენებლობისას, სწორედ ამ ადგილას აუფეთქებიათ ძველთაგანვე შემორჩენილი ქვის ბურჯები.

წყარო: თბილისი: ენციკლოპედია.- თბ., 2002. - გვ.715