მაია ტაბლიაშვილი

დაბადების ადგილი: ქ. თბილისი.

დაამთავრა თბილისის III მუსიკალური სასწავლებელი 1997 წელს (მუსიკის თეორია), ვანო სარაჯიშვილის სახელობის თბილისის სახელმწიფო კონსერვატორია მუსიკისმცოდნის სპეციალობით 2001 წელს.

2003-2005წწ. იყო თბილისის მარი ბროსეს სახელობის ქართულ-ფრანგული სკოლა-ლიცეუმის მასწავლებელი; 2005-2006წწ. თბილისის III მუსიკალური სასწავლებლის პედაგოგი (პოლიფონია); 2006 წლიდან თბილისის სახელმწიფო კონსერვატორიაში მიყავს ძირითადად პოლიფონიის, მუსიკალური ნაწარმოების ანალიზის და მუსიკის სტილების თეორიის კურსები; სხვადასხვა წლებში იყო თბილისის სახელმწიფო კონსერვატორიის დოქტორანტურის კოორდინატორი (2010-2013), სასწავლო დეპარტამენტის ხელმძღვანელი (2013-2021), 2021 წლიდან სტუდენტთა მიღებისა და რეესტრის მართვის დეპარტამენტის ხელმძღვანელი; იკვლევს ქართულ მუსიკაში პოლიფონიის გამოვლინების შემთხვევებს; გამოქვეყნებული აქვს 30-ზე მეტი სამეცნიერო სტატია; მიღებული აქვს მონაწილეობა რესპუბლიკურ და საერთაშორისო კონფერენციებში; არის თანაავტორი (დ. არუთინოვ-ჯინჭარაძესთან ერთად) ნაშრომისა "პოლიფონია ქართველ კომპოზიტორთა შემოქმედებაში" (2016) და ასევე სამტომიანი ქრესტომათიისა "პოლიფონია ქართულ მუსიკაში". მუსიკოლოგი, ხელოვნებათმცოდნეობის დოქტორი, თბილისის ვანო სარაჯიშვილის სახელობის სახელმწიფო კონსერვატორიის მუსიკის თეორიის მიმართულების ასოცირებული პროფესორი (2013-დან). 

სადოქტორო დისერტაციის თემა - "პოლიფონიის როლი ქართულ კამერულ-ინსტრუმენტულ საანსამბლო მუსიკაში", დაიცვა 2006 წელს.

წყარო: ქართული მუსიკის ენციკლოპედიური ლექსიკონი. – თბ., 2015. – გვ. 445

• პოლიფონია ქართველ კომპოზიტორთა შემოქმედებაში : ლექციები უმაღლესი სამუსიკო სასწავლებლის კომპოზიციისა და მუსიკოლოგიის ფაკულტეტის სტუდენტებისთვის (თანაავტორი). - თბილისი, შ.პ.ს. "რივერსაიდი", 2016. - 190გვ.. - ISBN: 9789941939969