შარა ტალიანი

დაბადების ადგილი: ქ. თბილისი.

1916-1918წწ. სწავლობდა პეტერბურგის კონსერვატორიაში(საკომპოზიციო).

სიმღერას დაეუფლა თბილისის ნერსესიანის სასულიერო სემინარიაში, პედაგოგები გ. სიუნი, ს. მელიქიანი(კომპოზიცია); 1912 წელს შედგა პირველი კონცერტი თბილისში, შემდეგ ალექსანდროპოლში, შეასრულა საროს პარტია ტიგრანიანის ოპერაში "ანუშ"; მოღვაწეობდა ამიერკავკასიის სხვადასხვა საოპერო და ოპერეტის თეატრებში; 1930 წლიდან ცხოვრობდა ერევანში; 1924 წელს ლენინაკანის საოპერო თეატრის დამაარსებელთაგანი(ა. შ. მელიქ-ფაშაევთან, ლ. ნ. ისეცკისთან, ა. ბ. დანიელიანთან ერთად); 1927-1932წწ. ანსამბლ "სომეხი აშუღების"(მოგვიანებით მიენიჭა საიათ-ნოვას სახელი) დამაარსებელი და სოლისტი, "სომეხი ჰუსანების" ანსამბლის დამაარსებელი(1938) და ხელმძღვანელი; 1933-1941წწ. ერევნის საოპერო თეატრის სოლისტი; აქტიურად მონაწილეობდა სომხეთის ოპერისა და ბალეტის, სომხეთის მუსიკალური კომედიის თეატრების ჩამოყალიბებაში; ქართული რეპერტუარი: კიაზო(ზ. ფალიაშვილი "დაისი"), საკონცერტო პროგრამებში: ქართული რომანსები, სიმღერები; სხვა რეპერტუარი: არშაკ(ჩუხაჯიანი "არშაკ II"), სარო(ტიგრანიანი "ანუშ"); სომეხი საოპერო მომღერალი, ტენორი, ბარიტონი მუსიკალურ-საზოგადო მოღვაწე, აშუღ ჯამალის ვაჟიშვილი.

წყარო: ქართული მუსიკის ენციკლოპედიური ლექსიკონი. – თბ., 2015. – გვ. 446

• 1946 - სტალინური პრემია
• 1939 - სომხეთის სახალხო არტისტი