სერგეი ტერეშჩენკო

დაბადების ადგილი: ქ. თბილისი.

დაამთავრა თბილისის ქორეოგრაფიული სასწავლებელი 1965 წელს.

1965-1988წწ. იყო ზ. ფალიაშვილის სახელობის თბილისის ოპერისა და ბალეტის თეატრის საბალეტო დასის სოლისტი; 1972-1975წწ. მუშაობდა პანამაში "Panama-Siti baley"-ს პედაგოგ-რეპეტიტორად, თურქეთში(ანკარა, ანტალია) ქორეოგრაფიული სასწავლებლის პედაგოგად; ქართული რეპერტუარი: სარდალი(დ. თორაძე "გორდა"), ჰამლეტი, სოლო(რ. გაბიჩვაძე "ჰამლეტი", "მედეა"), არლეკინი(გ. სოგე "მოხეტიალე კომედიანტები"); სხვა რეპერტუარი: ალბერი, მონა(ადანი "ჟიზელი", "კორსარი"), სოლორი, ბაზილი(მინკუსი "ბაიადერა", "დონ კიხოტი"), ზიგფრიდი, დეზირე(ჩაიკოვსკი "გედების ტბა", "მძინარე მზეთუნახავი"), რომეო, მერკუციო, ტანცმაისტერი(პროკოფიევი "რომეო და ჯულიეტა", "კონკია"), პორგი(გერშვინი-ოძელი "პორგი და ბესი"), სოლო(მოცარტი "სამშვენისები", "სერენადა"); საბალეტო დადგმები: "ფრანჩესკა და რიმინი", "ჯადოსნური სიყვარული"(პანამა), "ყვავილების ვალსი", "გაზაფხულის მერცხლები"(კანადა), "მაკნატუნა", "კორსარი", "სიყვარულის კვანძი", "ბახჩისარაის შადრევანი"(თურქეთი); ცეკვების დადგმები საოპერო სპექტაკლებში: ვერდი "ტრავიატა", "აიდა", გლუკი "ორფევსი", ბიზე "კარმენი"; გასტროლები: საფრანგეთი, უნგრეთი, მონღოლეთი, ბულგარეთი(საბალეტო დასთან ერთად), პანამა, ფინეთი, აშშ, თურქეთი; საქართველოში მოღვაწე რუსი ბალეტის მოცეკვავე, დამდგმელი-ბალეტმაისტერი.

 წყარო: ქართული მუსიკის ენციკლოპედიური ლექსიკონი. – თბ., 2015. – გვ. 448

• საქართველოს დამსახურებული არტისტი