შალვა ჩაგუნავა

დაბადების ადგილი: სოფელი ხიდი, წულუკიძის რაიონი (ახ. ხონის რაიონი).

კინოში მოღვაწეობა დაიწყო 1926 წელს. 1928 წელს განათლების მისაღებად გაემგზავრა რუსეთში. ლენინგრადის ხელოვნების ისტორიის ინსტიტუტის ხელოვნებათმცოდნეობის კურსების დამთავრების შემდეგ სწავლა გააგრძელა მოსკოვში, კინემატოგრაფიის საკავშირო ინსტიტუტში სარეჟისორო ფაკულტეტზე (სერგეი ეიზენშტეინის ჯგუფში). 1935 წელს სწავლის დამთვრებისთანავე დაბრუნდა საქართველოში და მუშაობა დაიწყო კინოსტუდია "ქართულ ფოლმში" რეჟისორად. მეორე მსოფლიო ომის დროს ხელმძღვანელობდა კინოდოკუმენტალისტთა ჯგუფს. დამდგმელი რეჟისორია ფილმების: "მზიური აჭარა" (დოკუმენტური, 1958),  "აფხაზეთი - ულამაზესი მხარე" (დოკუმენტური, 1958), "საქართველოს კურორტების კვალდაკვალ" (დოკუმენტური, 1959), "გალაკტიონ ტაბიძე" (დოკუმენტური, 1971), "ხევსურეთი - მითის გაცოცხლება"(დოკუმენტური, 1991); სცენარის ავტორია ფილმების: "მზიური აჭარა" (დოკუმენტური, 1958),  "აფხაზეთი - ულამაზესი მხარე" (დოკუმენტური, 1958). ქართველი კინორეჟისორი, ქართული დოკუმენტური კინოს ერთ-ერთი ფუძემდებელი.

წყარო: ქართული საბჭოთა ენციკლოპედია: ტ.11.-თბ., 1987.-გვ.68

• საქართველოს კინემატოგრაფისტთა შემოქმედებითი კავშირი, წევრი

• 1962 - საქართველოს ხელოვნების დამსახურებული მოღვაწე