გენო წულაია

დაბადების ადგილი: ქ. სოხუმი.

დაამთავრა სოხუმის მუსიკალური სასწავლებელი 1948 წელს; 1948-1950 წწ. სწავლობდა ოდესის სამედიცინო ინსტიტუტში; 1957 წელს დაამთავრა საკავშირო კინემატოგრაფიის ინსტიტუტის სარეჟისორო ფაკულტეტი; 1981 წელს დაამთავრა თბილისის შოთა რუსთველის სახელობის თეატრალური ინსტიტუტის კინოფაკულტეტი.

1957 წლიდან არის კინოსტუდია "ქართული ფილმის" რეჟისორი. დამდგმელი რეჟისორია ფილმების: "წარსული ზაფხული" (1959), "ცეროდენა რაინდები" (1963), "დრო იწურება განთიადისას" (1965),  "რერო მასპინძლობს" (1971), "მოვდივართ და მოვიმღერით" (1973), "ქორწინება იმერულად" (1979), "ყოჩაღ პაპებო" (1981), "ჩიორა" (1984) და სხვ.; სცენარის ავტორია ფილმების: "დრო იწურება განთიადისას" (1965),  "რერო მასპინძლობს" (1971), "მოვდივართ და მოვიმღერით"(1973), "ქორწინება იმერულად" (1979), "ყოჩაღ პაპებო" (1981); კომპოზიტორია ფილმის: "პეპელა" (1977); გადაღებულია ფილმებში: "ყვითელი ჩიტი" (1983), "ოპერაცია "ვუნდერლანდი" (1988). მიღებული აქვს სატელევიზიო ფილმების საკავშირო კინო ფესტივალის ჟიურის და მაყურებელთა პრიზები ფილმისთვის "პეპელა" (1979), საკავშირო კინოფესტივალის პრიზი "საბავშვო ფილმებისთვის" ლაურეატი (1985). ფილმებს იღებდა კინორეჟისორ ნელი ნენოვასთან ერთად. 1993 წლიდან ცხოვრობდა ბულგარეთში. კინორეჟისორი.

წყარო: ქართული კინო, 1896-2011.- თბ., 2011.- გვ. 209; ეროვნული ფილმოგრაფიის პორტალი: geocinema.ge; ვიკიპედია - თავისუფალი ენციკლოპედია: ru.wikipedia.org

• საქართველოს კინემატოგრაფისტთა შემოქმედებითი კავშირი, წევრი

• 1979 - საქართველოს ხელოვნების დამსახურებული მოღვაწე