ბადრი პატარკაციშვილი

დაბადების ადგილი: ქ. თბილისი.

დაამთავრა საქართველოს პოლიტექნიკური ინსტიტუტი 1977 წელს; მოსკოვის გ. პლეხანოვის სახ. სახალხო მეურნეობის ინსტიტუტი 1989 წელს.

1989-2000წწ. მოღვაწეობდა რუსეთის ფედერაციაში, იყო რუსეთის საზოგადოებრივი ტელევიზიის (ОРТ) დირექტორთა საბჭოს თავმჯდომარის პირველი მოადგილე; მოსკოვის დამოუკიდებელი სამაუწყებლო კომპანიის (ТВ-6) გენერალური დირექტორი, დირექტორთა საბჭოს თავმჯდომარე; მსხვილი ფინანსური და კომერციული სტრუქტურების ხელმძღვანელი. იყო თანამფლობელი გაერთიანებული ბანკის, რიგი სამრეწველო და სატელევიზიო კომპანიებისა, ფედერალური გაზეთებისა და ჟურნალებისა. 1990-იან წლებში ითვლებოდა რუსეთში ერთ-ერთ წამყვან ფინანსისტად, აქტიურად მონაწილეობდა საზოგადოებრივ, ეკონომიკურ და ფინანსურ ცხოვრებაში. არის რუსეთის პირველი დამოუკიდებელი საქველმოქმედო ფონდის - "ტრიუმფის" დამფუძნებელი. 2000 წელს თბილისში დააარსა დამოუკიდებელი საქვემოქმედო ფონდი "გამარჯვება". მისი ხელშეწყობით ევროპიდან საქართველოში დაბრუნდა პალესტინის ქართული მონასტრის ფრესკები. ეწეოდა საქველმოქმედო საქმიანობას. ჰოლდინგის სს "ი-მედიას" დამფუძნებელი და ინვესტორთა ჯგუფის ხელმძღვანელი. საქართველოში ოლიმპიური ფონდის დამფუძნებელი და 2002-2007 წლებში საქართველოს ეროვნული ოლიმპიური კომიტეტი პრეზიდენტი; "ბადრი პატარკაციშვილის საქველმოქმედო ფონდის" დამფუძნებელი; ავტორია სამეცნიერო ნაშრომებისა და მონოგრაფიისა; მეცენატი.

წყარო: თბილისი: ენციკლოპედია.- თბ., 2002. - გვ.731

• საქართველოს ეროვნული ოლიმპიური კომიტეტი, პრეზიდენტი (2002-2007)