ლუციან ტრუსკოვსკი

დაბადების ადგილი: ქ. ვარშავა, პოლონეთი.

დაამთავრა პეტერბურგის კონსერვატორია 1895 წელს(საფორტეპიანო).

განათლება მიიღო ვარშავის კონსერვატორიაში; შემოქმედებითი დაოსტატების მიზნით სწავლა განაგრძო პეტერბურგის კონსერვატორიში, პედაგოგები: ნ. ლავროვი, თ. შტეინი; დაუახლოვდა ცნობილ პიანისტებს ა. რუბინშტეინს, ი. ჰოფმანს, ს. რახმანინოვს; ეწეოდა საკონცერტო მოღვაწეობას; 1903 წლიდან მოღვაწეობდა თბილისში, ჯერ მუსიკალურ სასწავლებელში, შემდეგ, 1917 წლიდან სიცოცხლის ბოლომდე იყო თბილისის კონსერვატორიის პედაგოგი და პროფესორი, საფორტეპიანო ფაკულტეტის პირველი დეკანი; მონაწილეობდა კამერულ ანსამბლებში; კონსერვატორიაში მისი მოწაფეები იყვნენ: ი. ორბელიანი, ლ. მიქაბერიძე, რ. გლეზერი, ა. ბადრიძე, ნ. დადიანი, ბ. ნ. რუსტამბეკოვი, ნ. ჩიქოვანი; საქართველოში მოღვაწე პოლონელი პიანისტი.

წყარო: ქართული მუსიკის ენციკლოპედიური ლექსიკონი. – თბ., 2015. – გვ. 451