იოსებ ტრუფფი

სადირიჟორო კარიერა დაიწყო თბილისში; 1872 წლიდან იყო თბილისის ოპერისა და ბალეტის თეატრის ორკესტრის მევიოლინე, 1878-1896წწ. დირიჟორი; 1883 წელს "ქართული გალობის აღმადგინებელი კომიტეტის" დავალებით ჩაწერა ქართული საგალობლები("კარბელაანთ კილო"), "წმიდაო ღმერთო", "ჯვარსა შენსა", "შენ გიგალობ", "სულო ჩემო", "მოვედით თაყვანი ვსცეთ", "რომელი ქერუბიმთა", "განმანათლებელი ჩვენი"; ტრუფფის ჩანაწერებმა საჯარო განხილვისას მაღალი შეფასება მიიღო; 1885-1891წწ. და 1898-1899წწ. იყო მოსკოვში კერძო ოპერისა და მის მიერ დაარსებული "საოპერო არტისტთა საზოგადოების" დირიჟორი; ამ საზოგადოების მუსიკოსებთან ერთად გასტროლებს მართავდა რუსეთის ქალაქებში; იყო რუს კომპოზიტორთა ნაწარმოებების პირველი შემსრულებელი, მათ შორის: რიმსკი-კორსაკოვის "მოცარტი და სალიერი", "ბოიარინია ვერა შელოგა", "ფსკოველი ქალი", მუსორგსკის "ბორის გოდუნოვი", რუბინშტეინის "ციმბირელი მონადირეები, ანუ მეორმოცე დათვი", "ყაჩაღთა შორის"; დირიჟორობდა სიმფონიურ კონცერტებს; 1917 წლიდან მოღვაწეობდა კიევსა და მოსკოვში, სადაც ახალგაზრდა მომღერლებსა და დირიჟორებს შეასწავლიდა ოპერებს; იყო "მძლავრი ჯგუფის" კომპოზიტორთა შემოქმედების პროპაგანდისტი; რეპერტუარი თბილისში: ვერდი "აიდა", "ბალ-მასკარადი", ლეონკავალო "ჯამბაზები", მასკანი "სოფლის პატიოსნება"; საქართველოში მოღვაწე რუსი, წარმოშობით იტალიელი მევიოლინე.

წყარო: ქართული მუსიკის ენციკლოპედიური ლექსიკონი. – თბ., 2015. – გვ. 451