იოანე (მთავარეპისკოპოსი)

ქართლის პირველი ეპისკოპოსი  IV საუკუნის 30-40-იანი წლებში. იოანე  ბიზანტიიდან ქართლის მეფემ მირიანმა მოიწვია. მას თან ახლდა ორი მღვდელი და ერთი დიაკონი, რომელთაც საეკლესიო წესით მოუნათლავთ წმ. ნინოს მიერ ახლადგაქრისტიანებული მეფე, მისი სახლობა, წარჩინებულნი და დანარჩენი მოსახლეობა. ქართულ საისტორიო წყაროებში -  "მოქცევაი ქართლისაი"-ში  და "ცხოვრება ქართუელთა მეფეთა"-ში  მისი სახელის ფორმაა "იოვანე". ამასთან "მოქცევაჲ ქართლისაჲ"-ში იხსენიება, როგორც ეპისკოპოსად, ასევე მთავარეპისკოპოსად, ხოლო "ცხოვრება ქართუელთა მეფეთა"-ში -მხოლოდ ეპისკოპოსად. ბოდბიდან  მოწერილ თავის წერილში მირიან მეფის  მიმართ, წმ. ნინო იოანე ეპისკოპოსს უწოდებს "მამად-მთავარს და კეთილ მწყემსს სამწყსოთა სულიერთა".

წყარო: ქართული საბჭოთა ენციკლოპედია: ტ. 5.- თბ., 1980.- გვ. 190