მავრ პიასეცკი

სასცენო მოღვაწეობა დაიწყო 1929 წელს სოხუმის თეატრში; მუშაობდა ბრიანსკის, ვორონეჟის თეატრებში, 1936-1955წწ. და 1958-1977წწ. თბილისის ა. გრიბოედოვის სახ. თეატრში. თანაბარი ოსტატობით ასახიერებდა სახასიათო-ყოფით, კომიკურ და დრამატულ როლებს: მონახოვი (მაქსიმ გორკის "ბარბაროსები"), ბაბუა (ვ. შუქშინის "თვალსაზრისი"), მიშლაევსკი (მ. ბულგაკოვის "ტურბინთა დღეები"), ბატონი ფრანკი (გუდრიჩისა და პაკეტის "ანა ფრანკის დღიური"), ვანო (ნ. დუმბაძის "ნუ გეშინია, დედა"), ცეზარი (ბ.შოუს "ცეზარი და კლეოპატრა"), ტარტიუფი (მოლიერიოს "ტარტიუფი"), სანდრო (ო. ჩიჯავაძის "თხუნელა") და სხვა. მის მნიშვნელოვან დადგმებს შორისაა გ. მატვეევის "დელიკატური ოპერაცია", ვ. კოროსტილიოვის "დონ კიხოტი იბრძვის", მატუხოვის "ამნისტია" და სხვა. გადაღებულია ფილმებში: "ბოდიში, თქვენ გელით სიკვდილი", "ჩარირამა" და სხვა. მიღებული აქვს სახელმწიფო ჯილდოები.

წყარო: თბილისი: ენციკლოპედია.- თბ., 2002. - გვ.738

• 1965 - საქართველოს სახალხო არტისტი