დავით გაჩეჩილაძე

დაბადების ადგილი: სოფელი ღორეშა, ახლანდელი ხარაგაულის რაიონი.

დაამთავრა ქუთაისის გიმნაზია.

პირველი ლექსები 1919 წელს ჟურნალ "წინსვლის ემბლემაში" გამოაქვეყნა. პირველი პოეტური კრებული (1941). 20-იან წლებში "ფუტურისტ-ლეფელების" ლიტერატურული დაჯგუფების აქტიური წევრი იყო. პოეტმა ფორმალისტურ ძიებებს მალე დააღწია თავი. შემოქმედების ლაიტმოტივია პატრიოტიზმი; მის ლექსებში აისახა ჩვენი ხალხის გმირული წარსული და დიადი აწმყო. ეკუთვნის ტრაგედიები ("ბახტრიონი" - ვაჟა-ფშაველას ამავე სახელწოდების პოემის მიხედვით, რუსთაველის სახელობის თეატრი, 1960 და "ამირანი", რუსთაველის სახელობის თეატრი, 1963). თარგმანები (სოფოკლეს, კალდერონის, ლერმონტოვის, ჩაპეკის, ჰიქმეთის თხზულებებისა), საბავშო წიგნები ("უშიშროების ანბანი", 1949, "ტყუილს მოკლე ფეხი აქვს", 1957, "ბრიყვი მგელი", 1964) და სხვა.

წყარო: ქართული საბჭოთა ენციკლოპედია: ტ.3-თბ., 1977.-გვ.23; ქართველი პოეტები : ენციკლოპედია / შეადგინა ალექსანდრე ელერდაშვილმა.- თბ.,2021.- გვ.81

• ლექსები (ავტორი). - თბილისი, მერანი, 1976. - 85გვ.
• ბრიყვი მგელი : საბავშო პოემები (ავტორი). - თბილისი, ნაკადული, 1964. - 20გვ.
• ტყუილს მოკლე ფეხები აქვს : საბავშვო მოთხრობა ლექსად (ავტორი). - თბილისი, საბლიტგამი, 1957. - 20გვ.