სევასტი გაჩეჩილაძე

აგროვებდა უმთავრესად იმერული ფოლკლორის ნიმუშებს. ზედმიწევნით შეისწავლა თავისი სოფლის წევის (ახლანდელი ზესტაფონის რაიონის სოფლები ზედა და ქვედა წევა) ზეპირსიტყვიერება. შეკრებილი მასალა გამოაქვეყნა ჟურნალ "აკაკის კრებულსა" (1899), "ძველ საქართველოში" (ტ. 1, 1909; ტ. 4, 1915). მისი ფოლკლორისტული ჩანაწერების დიდი ნაწილი და მოგონებანი რევოლუციამდელ საქართველოში შემკრებლობითი მუშაობის შესახებ დაცულია შ. რუსთაველის სახელობის ქართული ლიტერატურის ისტორიის ინსტიტუტში. სპეციალობით აგრონომი.

წყარო: ქართული საბჭოთა ენციკლოპედია: ტ.3-თბ., 1977.-გვ.23; ფსევდონიმები. წყარო: ქართველ მოღვაწეთა ლექსიკონი, 1801-1952: ტ. I ა-დ / იოსებ იმედაშვილი.-თბ.,2018.-გვ.522

• მაკარიოზი : პოემა (ავტორი). - თბილისი, ე. ხელაძის სტ., 1890