სიმონ გაჩეჩილაძე

დაბადების ადგილი: წევა, ახლანდელი ზესტაფონის რაიონი.

დაამთავრა თბილისის სახელმწიფო უნივერსიტეტის ფილოლოგიის ფაკულტეტი 1923 წელს.

1928 წლიდან კითხულობდა ლექციებს საქართველოს კომუნისტურ უნივერსიტეტში, პოლიტექნიკურ ინსტიტუტში, თბილისის სახელმწიფო უნივერსიტეტში, თელავის, ცხინვალის, გორის პედაგოგიურ ინსტიტუტებში. საქართველოს კომუნისტურ უნივერსიტეტსა და გორის პედაგოგიურ ინსტიტუტში ხელმძღვანელობდა ქართული ენისა და ლიტერატურის კათედრებს. 1914 წლიდან ქართულ პრესაში აქვეყნებდა ლექსებს, მოთხრობებსა და ფელეტონებს; 1929-1945წწ. თანამშრომლობდა ჟურნალ "ტარტაროზსა" და "ნიანგში". წერდა ფსევდონიმებით "სიმონ წეველი", "მედუზა" და სხვა. 1948 წელს ცალკე წიგნად გამოსცა საბავშო პოემა "რწყილი და ჭიანჭველა". ავტორია ნაშრომებისა: "ქართული ენა და მხატვრული მეტყველება" (1931), "სამუშაო წიგნი ლიტერატურაში" (1932), "ლიტერატურისმცოდნეობის საფუძვლები" (1942), "ლიტერატურისმცოდნეობის შესავალი" (1955), "სიტყვიერებისა და ლიტერატურის თეორია" (1962) და სხვა. დოქტორი (1962), პროფესორი (1962).

წყარო: ქართული საბჭოთა ენციკლოპედია: ტ.3-თბ., 1977.-გვ.23

• 1969 - საქართველოს მეცნიერებათა დამსახურებული მოღვაწე

• ლიტერატურის თეორია : მე-9-11 კლ. სახელმძღვანელო (ავტორი). - თბილისი, სახელგამი, 1952. - 240გვ.
• ლიტერატურის თეორია : მე-9-11 კლ. სახელმძღვანელო (ავტორი). - თბილისი , სახელგამი, 1950. - 242გვ.
• ლიტერატურისმცოდნეობის საფუძვლები (ავტორი). - თბილისი, სამეცნიერო მეთოდიკის, 1949. - 556გვ.
• ლიტერატურის თეორია : მე-9-10 კლ. სახელმძღვანელო (ავტორი). - თბილისი, სახელგამი, 1948. - 240გვ.
• ლიტერატურათმცოდნეობის საფუძვლები. (ავტორი). - თბილისი, უნივერსიტეტის, 1942. - 436გვ.