ვახტანგ ხუციძე

დაამთავრა თბილისის სახელმწიფო სამედიცინო ინსტიტუტი 1947 წელს.

პირველი ოპერაცია 1956 წელს ჩაატარა და მას შემდეგ მისი მოღვაწეობა 50 000 ოპერაციაზე მეტს ითვლის; 1959-1976წწ. იყო ყელ-ყურ-ცხვირის განყოფილების გამგე თბილისის N4 საავადმყოფოში; 1976-1983წწ.  ჯანდაცვის სამინისტროს საექიმო-კოსმეტოლოგიური სამკურნალოს ქირურგიული განყოფილების გამგე; 1983 წლიდან ე. ფიფიას სახელობის ამიერკავკასიის რკინიგზის კლინიკურ საავადმყოფოში დაავადებულ ლორ-ორგანოთა და პლასტიკური ქირურგიის განყოფილების გამგეა; 1996 წელს განყოფილება გამოეყო საავადმყოფოს და მან დააარსა პლასტიკური ქირურგიის ესთეტიკური კლინიკა; 1998 წლიდან საქართველოს ჰუმანიტარულ და სახელოვნებო მეცნიერებათა აკადემიის საპატიო დოქტორი; ყოველწლიურად, გარკვეულ თვეებში მუშაობდა მოსკოვში; საზოგადოება "ახალმა ელიტამ" მას მიანიჭა თავადის (Князь) წოდება; ოტორინოლარინგოლოგი, პლასტიკური და ესთეტიკური ქირურგიის ფუძემდებელი საქართველოში. იყო მრავალი ჯილდოს მფლობელი.

წყარო: თბილისი: ენციკლოპედია.- თბ., 2002. - გვ.739

• 2003 - თბილისის საპატიო მოქალაქე
• 1967 - საქართველოს დამსახურებული ექიმი
• ღირსების ორდენი