ვაჟა კეშელავა

დაბადების ადგილი: ქ. გაგრა.

დაამთავრა მოსკოვის მ. ლომონოსოვის სახელობის სახელმწიფო უნივერსიტეტის ფილოსოფიის ფაკულტეტი 1953 წელს და ასპირანტურა 1975 წელს.

1957-1975წწ. მუშაობდა საქართველოს პოლიტექნიკური ინსტიტუტის ფილოსოფიის კათედრაზე; 1976 წელს საქართველოს მეცნიერებათა აკადემიის ფილოსოფიის კათედრის გამგე; 1978-1990წწ. საქართველოს კპ ცენტრალური კომიტეტის განყოფილების გამგის მოადგილე, ჟურნალ "საქართველოს კომუნისტის" მთავარი რედაქტორი; 1978-1982წწ. იყო საქართველოს კპ ცკ-ის მეცნიერების განყოფილების გამგის მოადგილე; 1990-1991წწ. გაზეთ "ზარია ვოსტოკას" რედაქტორი; 1990-1991წწ. საქართველოს რესპუბლიკის პირველი მოწვევის უზენაესი საბჭოს წევრი, საარჩევნო ბლოკი: საქართველოს ერთიანი კომუნისტური პარტია, საარჩევნო ფორმა: პარტიული სიით; ხელი აქვს მოწერილი საქართველოს სახელმწიფოებრივი დამოუკიდებლობის აღდგენის აქტზე (1991 წლის  9 აპრილი); 1999 წელს მეცნიერებათა აკადემიის საზოგადოებრივ მეცნიერებათა დარგში სამეცნიერო ინფორმაციის ცენტრის ხელმძღვანელი; 2000-2006წწ. დირექტორი. მისი მოღვაწეობის ძირითადი სფეროებია: ფილოსოფიის ისტორია, სოციოლოგია, პოლიტოლოგია, ეთიკა. ფილოსოფიის მეცნიერებათა დოქტორი (1969), პროფესორი (1971).

წყარო: თბილისი: ენციკლოპედია.- თბ., 2002. - გვ.740; საქართველოს პარლამენტის ვებგვერდი: parliament.ge ; საქართველოს პარლამენტის წევრები 1990-2015/კობა ამირხანაშვილი.- თბ.,2015.-გვ. 198

• საქართველოს რესპუბლიკის პირველი მოწვევის უზენაესი საბჭო, წევრი (1990-1991)
• საქართველოს რესპუბლიკის პირველი მოწვევის უზენაესი საბჭოს ჰუმანიტარულ და სოციალურ საკითხთა კომისია, წევრი (1990-1991)

• სოციალიზმი და პოლიტიკური კულტურა (ავტორი). - თბილისი, საბჭ. საქართველო, 1985. - 172გვ.
• Миф о двух Марксах (ავტორი). - М., Политиздат, 1963. - 119с.