იაკობ პოლონსკი

დაბადების ადგილი: ქ. რიაზანი, რუსეთი.

1840 წლიდან დაიწყო ლიტერატურული მოღვაწეობა; ავტორია პეიზაჟური, ლირიული ლექსებისა, პოემებისა და მოთხრობებისა; 1846 წლის ივნისიდან 1851 წლის მაისამდე ცხოვრობდა თბილისში; მუშაობდა გაზეთ "ზაკავკაზსკი ვესტნიკის" რედაქტორის (პ. იოსელიანი) თანაშემწედ; შეისწავლა ქართული ენა, საქართველოს წარსული და აწმყო, ზნე-ჩვეულებები; მოგზაორობდა საქართველოს სხვადასხვა კუთხეში: თბილისის პრესაში გამოაქვეყნა "თბილისის სტატისტიკური ნარკვევი" (1847); წერილები საქართველოს ისტორიის, ქართული ფოლკლორის, ლიტერატურისა და თეარტის შესახებ; მასვე ეკუთვნის თბილისის, ქუთაისის, გორის, დუშეთისა და სხვა ქალაქების ჩანახატები; გამოსცა პოეტური კრებულები "საზანდარი" (1949) და "რამდენიმე ლექსი" (1951); მას ეკუთვნის რუსულ ლიტერატურაში რუსთაველისადმი მიძღვნილი პირველი ლექსი და პირველი გამოკვლევები საიათნოვასა და გ. ერისთავის შესახებ; თბილისი აისახა მის ლექსებში: "გასეირნება თბილისში", "ნუ მელოდები", "უსტაბაშის არჩევა", "თბილისის თეატრის გახსნის გამო", "მოხუცი აშუღი", "ნ.ა. გრიბოედოვა", აგრეთვე მოთხრობებში: "თბილისის ქოხები", "ბინა თათრულ კვარტალში", და სხვა. თბილისმა გავლენა მოახდინა მის შემოქმედებაზე. მან კავშირი გაწყვიტა რომანტიზმთან და ცხოვრების "ნატურალური" (რეალისტური) ასახვის მომხრე გახდა; მის შემოქმედებაში აისახა ქალაქის სოციალური კონტრასტები; 1851 წლიდან ცხოვრობდა პეტერბურგში; თანამშრომლობდა ჟურნალ "სოვრემენნიკსა" და "ოტეჩესტვენნიე ზაპისკიში", რედაქტორობდა ჟურნალ "რუსსკოე სლოვოს" (1859-1860); 1887 წელს მისი მოღვაწეობის 50 წლისთავზე, ქართველმა ინტელიგენციამ მის იუბილეზე დ. ერისთავი გაგზავნა. რუსი პოეტი.

წყარო:100 ღირსსახსოვარი სახელი = 100 памятных имен = 100 memorable names : საქართველოში და საქართველოს გარეთ მოღვაწე უცხოელები / სარედ. კოლ.: მარიამ ლორთქიფანიძე, როინ მეტრეველი, ზურაბ აბაშიძე [და სხვ.] .- თბ., 2014.-გვ.223-224; თბილისი: ენციკლოპედია.- თბ., 2002. - გვ.741.

• პეტერბურგის მეცნიერებათა აკადემია, წევრ-კორესპონდენტი (1886-)

• Несколько стихотворений (ავტორი). - Тифлис, тип. Канцелярии наместника кавк., 1851. - 38с.
• Сазандар : Стихи Я.П. Полонского (ავტორი). - Тифлис, тип. Канцелярии наместника кавк., 1849. - 60с.